TIRANË- Çështja e ligjit të luftës me Greqinë shumë shpejt do të shkojë drejt zgjidhjes. Kështu premtoi në vizitën e tij në Tiranë, kryediplomati grek Nikos Dendias, i cili tha se do të nisin procedurat për abrogimin e ligjit, i cili daton që nga viti 1940. Sipas ministrit të Jashtëm grek, dy vendet duhet të bashkëpunojnë ndërmjet tyre, që pikat historike për abrogimin e tij, të përmbyllen sa më shpejt të jetë e mundur. Sa i përket çështjeve së pensioneve dhe njohjes së tyre nga shtetit grek, ministri Dendias tha se është e rëndësishme që është rënë dakord që të vendoset një itinerar për zgjidhjen e kësaj çështje.
Gjatë një konference të përbashkët, ministrja e Jashtme, Olta Xhaçka, tha se gjatë diskutimit ndërmjet tyre, është edhe për çështjen e pronave çame. Xhaçka tha se ekziston vullneti i mirë për t'i dhënë zgjidhje.
'Ekziston vullneti i mirë për zgjidhje të pranueshme reciprokisht edhe për abrogimin e Ligjit të Luftës apo çështjen e pronave të komunitetit çam.'- tha ministrja.
Por propozimit të ministres për zgjidhjen e çështjes së pronave çame, ministri grek ju kundërpërgjigj me një paralajmërim për integrimin e vendit.
‘Ne duhet të diskutojmë për çështje praktike që kanë të bëjnë me palën greke dhe ne nuk mendojmë se gjërat janë fiks siç paramendohen. Kjo do na çojë në pasoja të niveleve të shumëfishta ku Greqia do të vendosë çështje të tjera që kanë të bëjnë itinerarin tuaj në Evropë’, paralajmëroi Dendias.
Ministri i Jashtëm i Greqisë Nikos Dendias, e nisi vizitën e tij zyrtare në Tiranë me kren e degës së Omonias në Himarë, Fredi Beleri. Dendias ka publikuar një foto nga takimi, ku shprehet se me Belerin kanë diskutuar sa i takon problematikave të minoritetit grek në Shqipëri.
Çfarë është ligji i luftës ndërmjet Greqisë dhe Shqipërisë
Ky ligj famëkeq, i miratuar në tetor 1940, kur Italia e Musolinit sulmoi Greqinë nga territori i Shqipërisë së pushtuar prej tij në pranverën 1939, është "de jure" sot e kësaj dite në fuqi. Më konkretisht: ky ligj do të thotë që Shqipëria për Greqinë është një vend armik! Armiqësi paradoksale ndaj një vendi anëtar të NATO-s, me të cilin në 1996, Greqia nënshkroi Traktatin e Bashkëpunimit dhe Fqinjësisë së Mirë. Në këtë ligj përshkruhen me hollësi sasia e pronave dhe pasurive, bllokohen si efekt dëmshpërblimi. Çështja e pronave të bllokuara të shqiptarëve vazhdon të mbetet një proces i ngrirë si vetë procedura me këtë Ligj. Për më tepër që ky Ligj është bazamenti juridik edhe i disa ligjeve dhe akteve të tjera juridike e normative që ka marrë Athina për çështjen e pronave të shtetëzuara dhunshëm të shqiptarëve që në fillimin e viteve ‘40.
Kryeministri Edi Rama ka ndarë një postim në ’Fcabeook’ pas takimit me ministrin e Jashtëm të Greqisë, Nikos Dendias, ku shkruan se kanë diskutuar për çështje në interes të popujve të dy vendeve.
“Me Ministrin e Jashtëm të Greqisë Nikos Dendias, në një bisedë të frytshme për çështje me interes që bashkojnë popujt tanë”, shkruan Rama.
Gjatë vizitës në Tiranë, kryediplomati i jashtëm grek, Nikos Dendias ka takuar kryeministrin Edi Rama, me të cilin diskutoi për integrimin në BE dhe zhvillimet rajonale.
“Duke përfunduar vizitën time në Tiranë , u takova me Kryeministrin e Shqipërisë Edi Rama. Diskutimet u fokusuan në marrëdhëniet dypalëshe, perspektivën e BE dhe zhvillimet rajonale”, shkruan Dendias me anë të një postimi në Twitter.
Kryediplomati i jashtëm grek, Nikos Dendias u shpreh se abrogimi i ligjit të luftës është diçka që palët duhet të shkëputen dhe për këtë duhet të nisin procedurat sa më shpejt. Ndërsa për pronat e çamëve në Greqi tha se kjo çështje nuk ekziston, por mund do të çojë në pasoja të shumëfishta.
"Marrëdhëniet tona janë zhvilluar shumë mirë, madje abrogimi i ligjit të luftës është diçka që duhet të shkëputemi, e të bashkëpunojmë që pikat historike për abrogimin e tij të përmbyllen sa më shpejt të jetë e mundur.
Ne duhet të diskutojmë për çështje praktike që kanë të bëjnë me palën greke dhe ne nuk mendojmë se gjërat janë fiks sic paramendohen. Kjo do na çojë në pasoja të niveleve të shumëfishta ku Greqia do të vendosë çështje të tjera që kanë të bëjnë itinerarin tuaj në Evropë. Ne konsiderojmë se minoriteti grek në Shqipëri por edhe komuniteti shqiptar në Greqi përbën urë lidhëse mes vendeve, ndaj diskutuam për këto grupe dhe kuptoj mirë çështjen e pensioneve, me shumë njerëz që kanë kontribuar në ekonominë tonë.
Takova dhe anëtarë të minirotitetit grek të Himarës që më dhanë zërin për problematikat e tyre. Kisha nderin të takoj dhe kryepeshkopin e Tiranës dhe Durrësit dhe në marrëdhëniet tona është e rëndësishme se iu referuam tregtisë dypalëshe, ekonomisë dhe si të thellojmë marrëdhëniet tona. Kjo do të thotë se ne duhet të diskutojmë mbi çështje praktike. Diskutuam për çështje me energjetikën, për luftën në Ukrainë që Shqipëria po e menaxhon me Këshillin e Sigurisë. Doja të përgëzoja Shqipërinë si vend anëtar që të integrohet në BE, ka adoptuar vendimet e BE dhe mendoj se mund të jetë shembull dhe për vendet e tjera që nuk ndjekin taktikën shqiptare që të jetë e harmonizuar me pozicionet e familjes europiane. Falenderojmë Shqipërinë për kandidaturën që ka dhënë për periudhën 25-26. Për prespektivën europiane të Shqipërisë, Greqia e mbështet tërësisht nisjen e negociatave me Shqipërinë dhe Maqedoninë e Veriut", tha Dendias.
Ndër të tjera, Dendias foli për çështjen e Detit duke thënë se do të përshpejtojnë hapat për të depozituar dokumentet në gjykatën e Hagës.
"Kam gëzim që jam këtu sot dhe të njoftoj vendimin tonë për përcjelljen e çështjes të delimitimit të zonave detare, të ashpësirave detare dhe të shelfit kontinental në Hagë. Përmbushja e kësaj procedure ka rëndësi të vecantë dhe të dyja vendet dëshirojmë të zgjidhim diferencat tona në bazë të së drejtës ndërkombëtare dhe të detit. Përtej rëndësisë së vendeve tona, dërgon një mesazh të rëndësishëm për vendet e tjera se kjo është mënyra e duhur për të zgjidhur divergjencat dhe si do të përshpejtojmë hapat që të depozitojmë dokumentet në gjykatën e Hagës", tha Dendias.
Ministrja e Jashmte, Olta Xhaçka në një deklaratë për mediat bashkë me ministrin e Jashtëm Nikos Dendias, tha se ekziston vullneti i mirë për zgjidhje të pranueshme reciprokisht edhe për abrogimin e Ligjit të Luftës apo çështjen e pronave të komunitetit çam.
'Është kënaqësi e veçantë që pata mundësinë të pres sot këtu në Tiranë, Ministrin e Punëve të Jashtme të Greqisë, Nikos Dendias.
Me Ministrin Dendias shkëmbyem mendime në lidhje me përmirësimin dhe intensifikimin e marrëdhënieve dypalëshe shqiptaro-greke, të cilat duhet të vazhdojnë të zhvillohen në frymën e fqinjësisë së mirë, miqësisë midis dy popujve tanë, në respekt të interesave strategjike, partneritetit të ngushtë në NATO-s dhe perspektivës së përbashkët evropiane.
Ne e konsiderojmë Greqinë një fqinj të çmuar, një partner i rëndësishëm ekonomik dhe tregtar, një vend ku jetojnë një numër i konsiderueshëm bashkëatdhetarësh, por që njëkohësisht mbetet partneri e mbështetësi i zëshëm i Shqipërisë në rrugën drejt progresit dhe integrimit evropian.
Dua të vlerësoj ndihmën e ofruar nga Greqia në përballimin e tërmetit dhe t’i rishpreh mirënjohjen dhe ta falenderoj edhe një herë Ministrin Dendias, që na u gjet personalisht pranë me ekipet e shpëtimit menjëherë pas tërmetit të 26 nëntorit 2019, si dhe rindërtimin e shkollës profesionale në kompleksin ''5 Maji'' në Tiranë.
Të dyja vendet kanë vazhduar pandërprerë dialogun dhe bashkëpunimin dypalësh në nivele të ndryshme, pavarësisht situatës së krijuar nga Pandemia Covid-19. Ndërsa sot ramë dakort që me vullnet të përbashkët, të punojmë bashkarisht për të adresuar të gjitha problemet që duhet ende të zgjidhen, dhe që janë në interes të dy vendeve tona, por më së pari në interes të qytetarëve tanë.
Pjesë e diskutimeve ishte dhe komuniteti i qytetarëve tanë në Greqi, me mbi 600 mijë shqiptarë, që punojnë dhe kontribojne atje, duke qenë komuniteti më i madh i të huajve. Vlerësuam integrimin e tyre në shoqërinë greke, por diskutuam edhe mbi adresimin e cështjeve që lidhen me mbrojtjen sociale, sigurimet shoqërore, mësimin e gjuhës shqipe, shqiptarët që vuajnë dënimet në institucionet greke dhe çështje të tjera konsullore që do të lehtësojnë lëvizjen dhe jetën e shtetasve tanë.
Ministri Dendias më informoi se ka planifikuar një tur vizitash në rajon, duke e nisur nga Shqipëria. Duke falenderuar Ministrin e sigurova se Shqipëria do të vazhdojë të ndjekë një politikë aktive, të moderuar, të udhëhequr nga synimi për një integrim euro-atlantik rajonal, si dhe për një integrim ekonomik. Ne ndamë të njëjtin mendim se integrimi Euro-atlantik mbetet një orientim i patjetërsueshëm dhe i pazëvendësueshëm për të gjitha vendet e rajonit.
Tashmë tre vende të Ballkanit Perëndimor janë vende anëtare në NATO dhe unë theksova vëmendjen e veçantë që merr ky fakt, ndikuar nga zhvillimet në Ukrainë, rëndësinë për të gjitha vendet e Ballkanit Perëndimor që synojnë të anëtarësohen, duke përfshirë edhe Kosovën.
Një çështje e rëndësishme që u diskutua ishte dhe integrimi evropian i Shqipërisë. Gjej rastin të falënderoj Greqinë për mbështetjen e saj të vazhdueshme për perspektivën evropiane të Shqipërisë, veçanërisht në lidhje me marrjen e datës për konferencën e parë ndërqeveritare. Mbështetja e vazhdueshme Greqisë, duke shënuar një pikë kulmore me Samitin e Selanikut gati 20 vjet më parë, mbetet një dëshmi e qartë se anëtarësimi i Shqipërisë dhe rajonit në BE është një synim i ndërsjellë e strategjik.
Shqipëria dhe Maqedonia e Veriut i kanë plotësuar kushtet dhe duke shpresuar në gjetjen e një zgjidhjeje midis Bullgarisë dhe Maqedonisë së Veriut, shpresat mbeten akoma për një vendim gjatë presidencës franceze të BE-së.
Bashkëpunimi ekonomik dhe shkëmbimet tregtare ishin në fokus të diskutimit të sotëm. Ne e vlerësojmë Greqinë si një partner ekonomik shumë të rëndësishëm për Shqipërinë dhe gjuha e shifrave tregojnë se Greqia vazhdon të jetë në krye të listës së partnerëve në tregti dhe investime të huaja direkte. Pandemia i vuri në sprovë ekonomitë tona dhe provoi që bashkëpunimi i ngushtë midis institucioneve dhe bizneseve tona bëri që ta përballojmë deri tani me sukses këtë situatë. Sigurisht që mundësitë për rritjen e shkëmbimeve tregtare dhe rritjen e investimeve janë më te mëdha dhe duhet të punojmë më shumë në këtë drejtim.
Vlerësuam bashkëpunimin tonë në kuadrin e organizatave ndërkombëtare, si dhe mbështetjen reciproke te kandidaturave tona ne organizatat ndërkombëtare. Gjithashtu, falënderova Greqinë për mbështetjen për kandidaturën e Shqipërisë si një vend anëtar jo i përhershëm në Këshillin e Sigurimit dhe shpreha bindjen se bashkëpunimi midis dy vendeve tona do të vazhdojë edhe në të ardhmen.
Temë e diskutimit tonë ishte edhe situata në Ukrainë ku në këtë situatë të vështirë dëshiroj të rikonfirmoj edhe një herë mbështetjen e Shqipërisë për sovranitetin dhe integritetin territorial të Ukrainës.
Kjo luftë nuk është vetëm një luftë për mbijetesën e Ukrainës, por një luftë për paqen dhe sigurinë në kontinentin evropian. Duhet bërë më shumë për të ndaluar luftën e pajustifikuar ndaj Ukrainës. Me Ministrin Dendias ne ndajmë qëndrim të njëjtë në dënimin e agresionit ushtarak të Rusisë ndaj Ukrainës dhe solidarizohemi në shprehjen e keqardhjes dhe ngushëllimeve tona për humbjen e jetës së shumë banorëve të Mariupolit, përfshi ata me origjinë greke.
Një tjetër çështje e diskutuar e ishte edhe ajo e delimitimit të zonave detare, e cila paraqet interes për të dy vendet tona, pasi lidhet me ushtrimin e sovranitetit territorial dhe te drejtat sovrane në hapesirat detare respektive. Rikonfirmuam dhe njëherë vullnetin tonë për kërkimin e një kompromisi për ta referuar çështjen tek një palë e tretë gjyqesore, siç është Gjykata Ndërkombetar e Drejtësisë.
Ne besojmë dhe shpresojmë që konstruktiviteti dhe vullneti i mirë për të kërkuar një zgjidhje të pranueshme reciprokisht në një çështje kaq të vështirë sa ajo e hapësirave detare, mund të shërbejë si një shembull i qasjes konstruktive me të cilën vendet tona mike mund të fillojnë diskutimet edhe për çështje të tjera, sado të vështira që kemi trashëguar nga historia e nga periudha tragjike e Luftës së Dytë Botërore, siç është nevoja për të abroguar Ligjin e Luftës, apo çështja e të drejtave të pronësisë dhe të drejtave të njeriut të komunitetit çam. Duke ju falënderuar edhe një herë për vizitën, fjala për ju zoti Ministër.'- tha ministrja Olta Xhaçka
Ministri i Jashtëm i Greqisë Nikos Dendias, e ka nisur vizitën e tij zyrtare në Tiranë me kren e degës së Omonias në Himarë, Fredi Beleri. Dendias ka publikuar një foto nga takimi, ku shprehet se me Belerin kanë diskutuar sa i takon problematikave të minoritetit grek në Shqipëri.
‘Në nisjen e vizitës time në Tiranë, u takova me Presidentin e degës së Omonias në Himarë, Fredi Beleri, i cili më informoi mbi çështjet dhe problematikat e minoritetit grek në Shqipëri’, shkruan ai.
Komente
Lajme të tjera
-
Greqia mbështet me kushte anëtarësimin e Shqipërisë në BE, eksperti: Diçka e pritshme! Duan pronat në Himarë, askush si vendi ynë nuk respekton minoritetet
18 Dhjetor, 18:57 -
Greqia: Mbështetja jonë për anëtarësimin e Shqipërisë në BE është e kushtëzuar, ne jemi rregullatorët e shpejtësisë
18 Dhjetor, 16:17 -
Greqi/ Panik në Selanik, 'Sillni ministrin ose do hedh Gjykatën në erë', arrestohet autori (VIDEO)
18 Dhjetor, 13:58 -
Greqi/ Kapen 82 kg kokainë në Portin e Pireut, arrestohen dy punonjës të portit
17 Dhjetor, 22:31 -
Policia greke godet bandën me kryetar shqiptarin e njohur si 'Mondi', sekuestrohen drogë, armë e para kesh! 25 të arrestuar dhe 14 në kërkim
17 Dhjetor, 18:46 -
Merret peng dhe dhunohet greku në Kostur, policia shpall në kërkim shqiptarin
17 Dhjetor, 16:40 -
Atentati ndaj shqiptarëve në Athinë, rihapet dosja e vrasjes së 32-vjeçarit shqiptar Roan Brahimi, armikut të Ervis Martinajt! Dyshohet se kanë lidhje
17 Dhjetor, 15:10 -
Atentati në Athinë, identifikohet edhe shoku i viktimave, dyshohet të jetë plagosur
16 Dhjetor, 21:52 -
Atentati ndaj dy shqiptarëve në Athinë, media greke: Objektiv dyshohet se ishte ai që u plagos, jo Davella
16 Dhjetor, 19:57 -
DEA i zbuloi nga aplikacioni 'Signal', kapen 46 kg kokainë në Greqi! 4 në pranga, mes tyre edhe një shqiptar (EMRI)
16 Dhjetor, 11:53 -
Ekzekutimi mafioz në Athinë, policia heton motivet që fshihen pas atentatit ndaj Irakli Davellas! Shoku i tij rëndë në spital
16 Dhjetor, 09:23 -
VIDEO/ Frikë në këndin e lojërave në Athinë, fëmijët mbesin në ajër pasi ikin dritat në park
15 Dhjetor, 13:11
NE MEDIAT GREKE THUHET SE ERDHI VETEM PER TE FIRMOSUR NJE LETER PER TE ÇUAR ÇESHTJEN E DETIT NE "HAGE"...NE 30 MINUTA TAKIM NUK ZGHJIDHET ASNJE ÇESHTJE...MOS TI GENJEJME NJERZIT KOT...
Përgjigjutamam!
Perrallat greke
PërgjigjuJeni nje diplomat i vertete z Rama. Bashkebisedime te tilla me Greqine do te na sjelllin vetem lajme pozitive per vendin.
PërgjigjuInatet nuk te cojne drejte asnje rruge te duhur keshtu qe zgjidhja me e mire eshte te ruhen maredheniet e mira ne forme qe bashkepunimi te sjelle te mira per Shqiperine
PërgjigjuMe vjen mir qe e lini te shkuaren pas dhe shikoni te ardhmen presim lajme te mira nga ky takim
PërgjigjuNese ke marr pasaporte gjoja greke pa qënë do të behesh non grata në shqiperi dhe do të nise proces për mashtrim, keshtu thuhet prandaj ka nis frika anembane ! Rrofte Italia se për Greqine ja kemi parë harenë..
Loja dhe mashtrimi i radhës nga km shqipfolës, qdo gjë në dakordsi me grekun për ta fal Butrintin , detin dhe qdo gjë shqiptare vetëm e vetëm që populli mos ta ket vemendjen aty ku e ndjen. Shqiperia ështé provinc e serbit dhe grekut o të verbuar, horrojeni BE-n me me këtë njeri që vet nuk ështé shqitar!
PërgjigjuNese shet Butrintin dhe Tokat e Skenderbeut ne zonen Epirote duhet që të ngrihet revolta krutane dhe mirditoreve , të bëhen protesta dhe ti tregohet se kush e bën ligjin ne shqiperi , e bën gjaku arberor nga Kruja në lezhe në mirdite në Rodon në Tirone , vetëm duke u berë bashke pa parti tregojme që sot bie poshte mashtrimi Helen që cdo gje eshte Helene , të bëhet non grata një person që del në televizor dhe ul popullin shqiptar. E premtja e zeze po vjen. Nga Mirdita në Tirane dalin trimat anembane ska greqi por ka shqiptar, ferra uratën do ta marr…. Ti largohen deputetet e Krujes dhe lezhes nese Rama dhe Berisha dhe kushdo tjeter shet kombim, Sikur u shit shen Naumi (sari salltiku) në oher që ishte puro histori krutane, Ashtu po shesin tokat e Skenderbeut , mbret MATIT EPIRIT DHE ARBERISEE , kush nuk eshte me Skenderbeun të bëhet non grata e të marrë kodrat pas bregut! I bej thirrje kryeminstrit australian z.albanes shqiptarit te deboje dhe të riktheje vizat nese greku nuk heq ligjin e luftes! Ju vrafte Vatikani kush i bie në qafe shqiptarve dhe popullit të tyre, historise shqiptare kush i bie në qafe I ardht fundi nga mallkimi I vatikanit! Kush e prek trojet shqiptare , I ardhte fundi e daltë fare…. Kurr mos kini frike o Mirditor , o Lezhjan , O krutan o dibran, zoti fal por nuk harron…
Per mua shqiperia te bëj letrat per te dale fare nga aplikimi per BE! A ja vlen te ndryshojme emrin tone nga Albania ne Shqiperia veriore? Greku nuk ekziston sot si shtet por nje kukull e krijuar per destabilizim! Del dhe thote do heq ligjin e luftes, pse nuk sulmoni me mirë ! I bëj thirrje USA ta rishikoje greqine e sotme se nga peloponezi dhe lart eshte tokë e Krujes Crutoneve ! Jepju krujes tokat antike
PërgjigjuNe,per mosintegrimin e integrimit “na prishte pune “ pengu bullgar ndaj Maqedonise dhe tash “po pergatitemi” te shkeputemi nga Maqedonia. C’hyn ketu kjo do te thoni ju,ne takimet me ministrin e jashtem Dangllas te Greqise..!? Po ja qe ,nuk vlen aq shume diplomacis e Km ,qe permendrt ketu nga shume komentues,kur ministria e jashtme e Shqiperise Xhacka,pra homologja e te njejtit rang me te Greqise,flet pa dorashka,per ceshtjen Came. Dhe pergjigja eshte e menjehershme e ministrit grek,se do t’ju kushtezoje ne integimin ne BE. Pra qe te bejme lidhjen,shkeputemi nga Maqedonia dhe me pas ve veton Greqia per integrimin tone,me kushtin qe te mos njohim ceshtjen Came. A e kuptoni vellezer,se edhe BE eshte pazar i paster i atyre qe komandojne dhe qe ka dy standarte!? Sepse,nese do te duhej te vihej para kushteve per ne BE ,duhej te ishte Greqia,qe nuk duhej te pranohej edhe sot e kesaj dite pa njohur Camerine dhe pronat e saj.por ajo eshte krijese e te medhenjve te Europes dhe asaj jo vetem si hyn gjemb ne kembe,por ajo “ka te drejte te hedh edhe shu*en perpjete”.
PërgjigjuOre shqipris i duhet te ket mardhenie te mira sepse eshte per te miren ton per ekonomin kur bashkepunon me shtetet sidomos me shtetet fqinje rama po ben nje pune te mrekullueshme
PërgjigjuProgandë pro-qeveritare.
Duhet te hedhim ta kaluaren para dhe mardheniet me greqine te permirsohen
PërgjigjuProgandë pro-qeveritare?
Ça thu o toç?!
Me bashkpunim edhe kete krize globale qe po kalojme mund ta kapercejme me lehte bravo z rama
PërgjigjuPer te ecur perpara duhet bashkpunim dhe ju kete e beni me se miri bravo te qofte sepse keshtu mund te perballojme edhe kete krize globale me thjeshte
PërgjigjuDiplomat i shkelqyer qe lini pas gjithshka per bashkpunim per te ecur perpara
PërgjigjuSi nuk u lodhe kurre o rob zoti.Bravo t qoft per cdo takim qe organizo dhe cdo t mir qe po sjell ktij veni.Ku ka ndodh naj her qe shqiperia tket pas kaq shume projekte dhe mbeshtetje qe te zhvillohemi ne.Je i madh o Edo ishalla fiton dhe mandatet e tjera.
PërgjigjuRama eshte nje person shume i pergatitur dhe po e con Shqierine ne nje tjeter ddimension politik e social.Bashkepunimi midis shteteve eshte zgjidhja qe do ta beje te kemi nje te ardhme shume me te mire se ajo qe kemi pasur.Uroj te na sillni sa me shume lajme te mira
PërgjigjuPresim lajme te mira nga ky takim
PërgjigjuMardheniet Shqiperi-Greqi uroj te na sjellin lajme pozitive per vendin tone
PërgjigjuNdaj janë të komente sikur i shkruan një dorë. Ça nuk u pjellë mendja për të ngelur në pushtet!
Kujt i përgjigjesh or mik?! Nuk e kupton që është një software ai që komenton? Patronazhisti ngarkon fjalët kyçe si psh marrëdhënie, bashkëpunimi, lajm i mirë, shohim përpara, pas e kaluara, etj. Dhe software shkruan automatikisht komentet. Janë grashqyer
Asnje lajm i mire nuk vjen andej Uroj mos te na ndryshojne emrin nga Albania ne sufllaqi
Takime te rendesishme ku do te zhvillohen biseda ne davor per vendin tone. Ju pergezoj zoti rama
PërgjigjuLe tju shikojne te gjithe dhe tju marrin shembull qe ju nuk mbani meri te kota por jeni gjithmone te prirur per te ecur perpara
PërgjigjuMardheniet e mira me greqine na sjellin vetem perfitime????
PërgjigjuAsgje, nuk behen pazaret me grykosit kollaj.
Jeni diplomat dhe shum i artikuluar due jam i bindur qe dhe kte takim e keni menduar shume mir. Bashkpunimi midis dy vendeve eshte i rendesishem sepse vetem keshtu mund te perballohm problematika me te medha dhe gjithashtu kemi fitimiet tona
PërgjigjuMardheniet me Greqine te forcohen e te kemi lajme pozitive
PërgjigjuVetem bashkpunim dhe mirkuptim mes vendeve fqinje! Nuk kemi pse ti nderpresim marredheniet diplomatike me Greqin
PërgjigjuMaredheniet me vendet e huaja duhen mbajtur gjithmone bravo Edi Rama
PërgjigjuSinqerisht më duket hipokrite pikpamja e Greqisë kur flet që urë lidhëse mes Shqipërise dhe Greqisë janë minoriteti grek në Shqipëri dhe emigrantët shqiptarë në Greqi. E vetmja urë që mund të ketë mes vendeve tona janë ato mes minoritetit grek në Shqipëri dhe minoretit shqiptar në Greqi (çamët). Nëse Greqia barazpeshon minoritetin entik grek në Shqipëri me emigrantët shqiptar në Greqi, i bie që grekët e Shqipërisë të jenë emigrantë dhe jo qytetarë shqiptarë dhe si të tillë, do duhej të kishin të njejtat të drejta që kanë emigrantët shqiptarë në Greqi: dmth asgjë. Duhen natyrisht raporte vëllazërore, por për t'i pasur të tilla, çështja çame do zgjidhje, ndryshe jemi vetem duke humbur kohë kot me Athinën zyrtare.
PërgjigjuSi gjithmon analiza jote eshte brilante. Respekt!!!
Minoriteti eshte me origjine nga Kruja dhe Mirdita , kur te duan te bejne ADN! Vetëm un kam dy kusherinj qe u rritem bashke ne fshatrat shqiptare ata u bene grek (pseudo) moren pashaporta dhe ikën ne UK. Puna qendron ketu ne nje “shoqeri te hapur” si ka mundesi qe shikohen aq fort , kufinjte , tokat , gjaku?! Sepse është nje politike e piset! Lind pyetja a na vlen ta ndryshojme emrin siç kerkon greqia?
Shpresoj qe me ane te ketij takimi marredheniet me greqine te forcohen dhe te kemi lajme sa me pozitive
PërgjigjuShpresojme per ndonje marreveshje pozitive nga ky takim . Me Greqine kemi marredhenie te mira dhe na ka ndihmuar ne raste te veshtira .
PërgjigjuNa ndimuan ne 1997?Apo ne peshkopi?
ishalla ndonje lajm i mire
Përgjigju