/ATSH-TANJUG/ - Ministri i Jashtëm grek, Nikos Kozias zhvillon sot një vizitë zyrtare në Serbi ku do të takohet me zyrtarët kryesorë të vendit ballkanik.

"Kozias do të takohet me kryeministrin serb, Aleksandar Vuçiç dhe ministrin e Jashtëm, Ivica Daçiç", thuhet në njoftimin e zyrës së shtypit të qeverisë serbe.

"Do të diskutojmë projektet e përbashkëta në fushat e energjisë dhe transportit, sigurinë në Ballkan dhe çështjen e emigrantëve ilegalë", deklaroi Kozias për agjencinë serbe të lajmeve, TANJUG.

Kozias theksoi se negociatat mes Serbisë dhe BE-së mund të hapeshin gjatë presidencës së Luksemburgut, nga fundi i vitit.