Ministri i Mbrojtjes, Pirro Vengu, njoftoi sot (28 Gusht) edhe vendimet në mbledhjen e Këshillit të Ministrave në lidhje me sektorin që mbulon, ku bien në sy ato për shlyerjen e detyrimeve të prapambetura për punonjësit dhe ish-punonjësit e industrisë ushtarake dhe gjithashtu të detyrimeve të 3 ish-uzinave të armëve ndaj pushtetit lokal.
Ai theksoi se janë marrë vendime të rëndësishme për mbrojtjen, në veçanti edhe për “sigurimin e jetës për misionet ushtarake jashtë vendit”, ku efektivët shqiptarë hasin edhe vështirësi nga më të ndryshmet.
“Me këtë pakete sigurohemi që të gjitha forcat tona jashtë kanë mbulimin e nevojshëm për vështirësitë qe hasin dhe përballen në misionet jashtë vendit”, tha ndër të tjera Vengu.
Gjithashtu ai shtoi se është miratuar me të njëjtin akt normativ edhe vendimi që “siguron tre elementë në industrinë ushtarake”.
Kjo në lidhje me çështjen e vështirësive të hasura nga industria ushtarake ndër vite, kryesisht ish-uzinat e armëve, duke mundësuar ndërhyrjen e Qeverisë dhe ndihmuar këto industri dhe punonjësit e tyre. Vengu theksoi vështirësitë që kanë hasur këto industri, sikurse edhe pushteti vendor bashkë me to, në zonat administrative ku dhe ndodhen.
Bëhet fjalë për ish-uzinat në Mjekës, Gramsh dhe Poliçan.
“Janë 3 industri ushtarake, tre komplekse ushtarake që u vijmë në ndihmë. Ka njerëz që kanë dhënë kontribut të çmuar dhe të gjatë në këtë sektor dhe i japim fund kalvarit të gjatë, duke shlyer detyrimet e prapambetura të punonjësve dhe ish-punonjësve. Sikundër i japim fund edhe një kalvari të gjatë dhe detyrimeve që këto kompani kishin, edhe ndaj pushtetit vendor, bashkive. Ndaj edhe paketa e miratuar në Aktin Normativ vjen në mbështetje edhe të pushtetit vendor, për vështirësitë ekonomike të ndërmarrjeve shtetërore me detyrime të akumuluara”, tha Vengu.
Ministri theksoi se me këto nisma e akte normative, “shlyejmë detyrimet e tre ish-uzinave ushtarake të armëve”.
Në fund ai lajmëroi edhe nismën e qeverisë dhe ministrisë me pikën e tretë të Aktit Normativ.
“Mbështetje me paketë financiare për krijimin, rikrijimin, rijetëzimin e një kompanie shtetërore me instrumente financiare ligjore, e cila do ketë instumentet ligjore financiare për të hyrë në marrëveshje bashkëpunim me industri apo investitorë të huaj, të vendeve partnere të NATO-s, për ta rijetëzuar këtë industri kaq të rëndësishme”, tha ministri i Mbrojtjes.
Mbledhja e Këshillit të Ministrave u mbajt sot (28 Gusht) dhe u morën vendime të rëndësishme në shumë sektorë dhe ministri.
Komente
Lajme të tjera
-
Ligji për statusin e ushtarakut, Vengu: Në 4-vjeçarin e ardhshëm do të rrisim pagat sipas standardeve të NATO-s
25 Mars, 11:09 -
Aleanca ushtarake Shqipëri -Kosovë - Kroaci, zbardhet deklarata e përbashkët! Vengu: S'kemi traditë traktatet e fshehta në dëm të fqinjëve, Serbia po viktimizohet
22 Mars, 09:20 -
Aleanca ushtarake Shqipëri-Kosovë-Koraci 'tremb' Vuçiçin! Kroacia: Iku koha kur pyesnim Beogradin! Vëngu: Serbia ikën nga tavolinat, s’mund të kërkojë llogari
20 Mars, 12:38
-
Kryeministri Rama dhe ministri Vengu inspektojnë Bazën Ajrore të Kuçovës! Po kthehet në aset strategjik të NATO, dronë dhe teknologji ushtarake e fjalës së fundit (VIDEO)
18 Mars, 14:27 -
Shqipëria, Kosova dhe Kroacia, marrëveshje trepalëshe ushtarake
18 Mars, 10:58 -
Hyn në fuqi vendimi i Qeverisë për kanabisin mjekësor dhe industrial, do të ketë 10 zona dhe 138 parcela në të gjithë vendin (LISTA)
12 Mars, 15:16 -
Fond 13 milionë euro për forcimin e Mbrojtjes Civile, Vengu: Bëjmë Shqipërinë më të sigurt
11 Mars, 20:22 -
Zgjedhjet/ Qeveria i jep KQZ-së 9,3 mln euro shtesë, i kërkoi për votën e diasporës
11 Mars, 11:18 -
Ministri i Mbrojtjes, Vengu: Negociata me 5 kompani ndërkombëtare për prodhim armësh
10 Mars, 22:30 -
Gradohen gjeneralët e rinj të FA, ministri Vengu: Investojmë në kapacitete njerëzore
10 Mars, 13:02 -
Ushtria ‘zbarkon’ në Fier, prezantohet logjistika, të rinjtë ftohen të bëhen pjesë e Forcave të Armatosura
7 Mars, 17:48 -
FOTO/ Shikoni kampusin sportiv të ridimensionuar në garnizonin “Skënderbej’
7 Mars, 08:48
