Ministria e Arsimit publikon LISTËN E PLOTË të shkollave të dëmtuara nga 26 nëntori! Sa rindërtohen, rikonstruktohen dhe shemben

TIRANE - Drejtoria Vendore Arsimore Tiranë ka përpiluar listën ku është bërë bilanci i shkollave që do të rindërtohen pas dëmeve të shkaktuara nga tërmeti i 26 nëntorit, kur ka kaluar më shumë së një muaj nga tërmeti shkatërrues, që preku dhe shkollat në kryeqytet.

Më datë 6 janar rinisi procesi mësimor pas pushimeve zyrtare të festave, por jo të gjithë nxënësit kanë mundësi ta zhvillojnë mësimin në shkollat e tyre.

Nga lista e lëshuar nga Ministria e Arsimit, shihet se janë 2 shkolla në Tiranë që do të rikonstruktohen, 9-vjeçarja “1 Qershori” dhe “Ali Demi”, kjo si pasojë e dëmeve të marra. Po ashtu do të rindërtohen 13 shkolla 9-vjeçare, kjo pasi ishte e pamundur që mësimi të zhvillohet normalisht dhe i sigurt.

Nxënësit e këtyre 13 shkollave janë sistemuar në shkolla pritëse, ku në disa prej tyre mësimi zhvillohet më dy turne. Ndërkohë që janë hapur pjesërisht 3 shkolla, 9-vjecarja “Emin Duraku”, gjimnazi “Myslym Keta” dhe “Asim Vokshi”.

Kujtojmë se në shkollën “Emin Duraku” gjysma e godinës është jo funksionale, ndaj u mor vendimi që mësimi të zhvillohet me dy turne, në pjesën e godinës që nuk pësoi dëmtime nga tërmeti. Por prindërit që çojnë fëmijët në këtë shkollë, ishin kundër këtij vendimi të ministres së Arsimit, Besa Shahini, ndaj e kundërshtuan duke firmosur peticione e duke refuzuar që të çojnë fëmijët në shkollë.

Në muajin janar do të hapen gjimnazi “Sami Frashëri” dhe 9-vjecarja “26 Nëntori”. Gjimnazit “Sami Fashëri” iu vu shirit për shkak se në katin e tretë ë godinës, ra plotësisht tavani.  Disa ditë më pas u shkarkua dhe drejtoresha e këtij gjimnazi Teuta Dobi. Nxënësit e 'Sami Frashërit' u transferuan në dy shkolla pritëse, duke bërë mësim me dy turne, tek  “Qemal Stafa” dhe “Çajupi”.  

Vetëm shkolla “Pezë e Madhe” ka pësuar dëme të pariparueshme ndaj u mor vendimi për shembjen plotësisht të godinës.

13 shkollat qe do te rindertohen

LASGUSH PORADECI 9-vjecare
QAZIM TURDIU 9-vjecare
MURAT TOPTANI 9-vjecare
MUSINE KOKALARI 9-vjecare
HASAN VOGLI 9-vjecare
XHEZMI DELLI 9-vjecare
PEZE HELMES 9-vjecare
PEZE E VOGEL 9-vjecare
PAJAN 9-vjecare
MANGULL 9-vjecare
17 SHKURTI QESARAKE E VJETER 9-vjecare
SELIT E MALIT 9-vjecare
MJULL-BATHORE 9-vjecare

Lista e plote e shkollave te demtuara

G.M./r.k./Shqiptarja.com
  • Sondazhi i ditës:

    A vijojnë shqiptarët të mos jenë të ndërgjegjshëm për rrezikun nga Covid-19?

Komento

Komente

  • [email protected]: 02/09/2020 14:45

    Nuk e meritojne kur kane te paafte ne poste drejtuese

    Përgjigju
  • Andi: 08/01/2020 19:48

    Po privatet i kontrolluat? Apo ne i kemi te tepert?

    Përgjigju


×

Lajmi i fundit

John

Ilir Meta flet nga Vlora: Komisioni i Posaçëm për Dick Marty nuk u shërben as Shqipërisë dhe as Kosovës