POP 5

Lajmet më të lexuara të 5 minutave të fundit

Ekonomi

Ministrja Denaj: Shërbimet online ulin kostot dhe eleminojnë radhët për qytetarët

Numri i shërbimeve që ofrohen online nga Instituti i Sigurimeve Shoqërore përmes portalit e-albania është 31.

Ministrja Denaj: Shërbimet online ulin kostot dhe eleminojnë radhët për qytetarët

Ministria e Financave dhe Ekonomisë i është bashkuar nismës së Qeverisë për të dixhitalizuar shërbimet publike që ofrohen për qytetarët dhe bizneset nëpërmjet platformës E- albania.

Gjatë 2020 janë programuar të jenë online 510 shërbime ose 94 % e të gjitha shërbimeve që ofrohen nga insitucionet e Ministrisë së Financave dhe Ekonomisë, ku 188 shërbime bëhën efektive më 1 Janar, 270 shërbime bëhen efektive më 30 Qershor dhe 26 shërbime bëhen efektive dhjetor 2020.

Në këtë kuadër, Ministrja e Financave dhe Ekonomisë, znj. Anila Denaj, zhvilloi një vizitë në Agjencinë e Sigurimeve Shoqërore Tiranë, ku së bashku me Drejtorin e Përgjithshëm të ISSH-së, z. Astrit Hado, informuan qytetarët mbi shërbimet e reja që do të ofrohen për ta online.

Gjatë bashkëbisedimit, Ministrja Denaj u shpreh se përmes ofrimit të shërbimeve në mënyrë elektronike synohet ulja e kostove dhe shmangia e radhëve të pritjes nga qytetarët në sportele, ndërkohë që shërbimi në sportele do të vijojë të ekzistojë në zyrat e ISSH, edhe për të ndihmuar e orientuar qytetarët mbi ofrimin e shërbimeve online.

“Është marrë një nismë që të gjitha shërbimet që kanë nevojë për aplikim, si për pension apo për një dokumentacion, ne tua japim mundësinë e aplikimit nëpërmjet shërbimit online apo nëpërmjet sistemeve. Të paktën në këto muajt e parë të vitit, i gjithë sporteli do të jetë aty dhe për të mësuar se si të bëhet aplikimi”, u shpreh znj. Denaj.

Gjithashtu, Ministrja bëri me dije se po punohet për të reduktuar numrin e dokumenteve që duhet të paraqesin qytetarët gjatë aplikimit për një shërbim të caktuar, ku në disa raste do të jenë vetë institucionet shtetërore ato që do të sigurojnë dokumentet e kërkuara.

“Në ato institucione që kanë arkivën, e cila është pronë e shtetit, ky informacion nuk do të merret më nga ju, por do të merret nga ne. Atë listë dokumentesh që e ka pronë shteti, do ta marim ne për ju dhe kjo do të shkurtojë një pjesë të kohës që ju sot e harxhoni duke udhëtuar me autobus e duke shkuar diku tjetër, apo duke pritur dy orë në radhë diku tjetër. Radha, kostoja dhe kostoja e fshehur duhet të zhduken dhe këto janë tre objektivat kryesore se pse ky shërbim po shkon online. Ne jemi duke bërë një filtrim të gjithë dokumenteve dhe të thjeshtojmë të gjithë dokumentacionin që ju të keni mundësi të merrni sa më pak dokumente kur vini këtu. Dokumentet e panevojshme duhet të reduktohen. Shpresojmë që këtë proces ta bëjmë gradualisht dhe të jetë dhe në përfitimin tuaj”, tha Ministrja.

Numri i shërbimeve që ofrohen online nga Instituti i Sigurimeve Shoqërore përmes portalit e-albania është 31.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Rusia dënon me mbi 4 vjet burg ish punonjësin e konsullatës amerikane

Rusia dënon me mbi 4 vjet burg ish punonjësin e konsullatës amerikane

2 Nëntor, 20:55