Ministria e Financave dhe Ekonomisë do të mbështesë studentët e ekselencës për punësim pas përfundimit të studimeve të tyre apo kryerjen e praktikave të punës në MFE dhe institucionet e saj.
Ministrja Anila Denaj, zhvilloi një vizitë në Fakultetin Ekonomik të Universitetit të Tiranës, për bashkëpunimin mes MFE dhe fakultetit në kuadër të Paktit për Universitetin.
Ministria e Financave dhe Ekonomisë, së bashku me institucionet e saj të varësisë, ka një numër total prej 5800 punonjës dhe ka vendosur si target që minimalisht 10 % e këtij stafi të vijë nga studentët e ekselencës.
Ministrja Denaj tha se kjo është një mundësi shumë e mirë për punësimin e studentëve dhe stimul për arritjen e rezultateve shumë të mira gjatë studimeve të tyre.
“Ne kemi kontribuar jo vetëm në aspektin e mbështetjes për studentët e ekselencës, të cilët sot gjithnjë e më shumë janë duke u punësuar në Ministrinë e Financave dhe në sektorë të tjerë të administratës publike, por edhe me mbështetjen e studentëve që kryejnë praktikën. Ne këtë vit kishim 150, por kemi mundësi për më shumë, gati 1500. E rëndësishme është që këta studentë që sapo kanë ardhur, me mesatare mbi 9.2 në vitin e parë, të përfundojnë arsimin universitar mbi 9, sepse punësimi është i sigurt dhe ky punësim në administratën publike për një ministri si MFE, me 5800 punonjës, me 10 % target minimal punësimi nga ekslentët, krijon mundësinë e 580 punonjësve për të hyrë në tregun e punës të amdinistratës publike, vetëm për MFE”, u shpreh Denaj.
Ministrja vlerësoi kontributin e komunitetit të biznesit, që për Fakultetin Ekonomik ka qenë në shumën e gati 10.3 milionë lekëve të rinj, për ndërtimin e disa laboratorëve të informatikës, duke mundësuar përmirësimin e infrastrukturës mësimore në këtë Fakultet.
“MFE tashmë ka krijuar shumë hapësira. Më vjen mirë që studentët e ekselencës komunikojnë në vendet e punës ku kanë shkuar, pra është bërë një urë kalimi e studentëve dhe pedagogëve, me institucionin. Pra, veç bashkëpunimit që kemi firmosur në marrëveshjen midis nesh, tashmë ne kemi edhe 'trupat tona' që janë në këto institucione dhe dua t’ju falënderoj për vizionin bashkëpunues mbështetës”, tha dekani i fakultetit Dhori Kule.
150 studentë të ekselencës janë punësuar deri më tani në Ministrinë e Financave dhe Ekonomisë në kuadër të Paktit për Universitetin dhe priten të punësohen akoma të tjera, pas thirrjes së dytë që u hap në muajin shtator.
Lajme të tjera
-
Nxitje punësimi/ 6 muaj këshillim për punë, me pagesë për grupet vulnerabël
8 Korrik, 20:07
-
70 kompani oferta punësimi në panairin tek Fakulteti Ekonomik, ministri: Adresojmë sfidat së bashku
23 Prill, 12:45 -
Zaloshnja: Panorama statistikore e punësimit të banorëve të rritur në Shqipëri
17 Prill, 09:07
-
Lehtësi fiskale të rinjve të punësuar, një pjesë e tatimit mbi pagën do u kthehet mbrapsht! Taksim 23% vetëm për pagat mbi 250 mijë lekë
16 Prill, 16:26
-
Në 4 vite, 10 mijë të huaj morën leje pune në Shqipëri! Eksperti: Nuk përmbushin nevojat e tregut tonë, duhet të frenohet emigrimi
21 Shkurt, 15:44
-
Maturantët orientim drejt arsimit profesional, Stiveni punon pa mbaruar ende shkollën! ‘Hoteleri Turizmi’ dega me mundësi punësimi
28 Shtator 2023, 17:43
-
Si mund të tërhiqen punëtorët e huaj në fshatrat e Gjermanisë?
18 Shtator 2023, 08:16 -
Punësimi, eksperti Zekja: Jo të gjithë duhet të shkojnë në universitet, por edhe drejt shkollave profesionale
13 Shtator 2023, 15:18 -
43% e maturantëve zgjedhin ‘Ekonomikun’, 15700 aplikime në pesë degë studimi! Këtë vit, regjistrimet në universitet vetëm në dy faza
28 Gusht 2023, 17:31 -
Çfarë preferojnë të rinjtë dhe si është tregu i punës? Eksperti i punësimit: Maturantët zgjedhin mundësitë e pagat, jo kushtëzimet
27 Gusht 2023, 16:30
-
43% të shpenzimeve të bashkive nga burimet e veta për paga; Shkodra, Tirana dhe Kamza rekord punësimesh
12 Maj 2023, 07:21 -
Mjekë të huaj punojnë në Kosovë pa licenca
1 Maj 2023, 14:31
