TIRANË- Bordi për monitorimin e çmimeve të ushqimeve të shportës, i krijuar pas rritjes së menjëhershme të çmimeve në vend, si pasojë e luftës në Ukrainë, do të publikojë sot vendimin e parë. E pyetur nga gazetarja e Report Tv, Eliza Gjediku, ministrja e Financave dhe Ekonomisë, Delina Ibrahimaj tha se në mbledhjen e datës 1 prill, bordi vendosi që të mbajë në monitorim katër produkte kryesore, miellin, orizin, vajin dhe sheqerin, për të cilat sot do të bëjë të ditur çmimet e referencës. Ministrja tha se është përcaktuar formula për të caktuar marzhin e fitimit, formulë për të cilën është hasur fillimisht vështirësi, për shkak se për të njëjtin mall ka disa marka.
‘Sipas aktit normativ, ne kemi ngritur bordin e monitorimit të transparencës së çmimeve. Ne jemi kujdesur të përcaktojmë formulën për përcaktimin e çmimeve që tregtarët duhet të aplikojë. Bordi i ushqimeve ka disa kategori ushqimesh, dhe për të njëjtin mall ka disa marka. Kemi hasur vështirësi në caktimin e marzhit të fitimit. Në mbledhjen e datës 1 prill bordi vendosi që të mbajë në monitorim katër produktet kryesore, miellin, orizin, vajin dhe sheqerin. Sot do të dalim me çmime referencë, për këto produkte. Ndërkohë jemi në diskutime për të aplikuar të njëjtën metodologji për imputet bujqësore. Kemi folur edhe për garancinë sovrane që do i garantojmë importuesve të imputeve. Do të jemi në diskutime të vazhdueshme me tregtarët, me qëllim që këtë situatë ta përballojmë bashkërisht. Inflacioni i ushqimeve do të jetë një dukuri më shumë se harku kohor i këtij viti’, përfundoi ministrja.’- tha ministrja e Financave.
Në fillim të fjalës së saj, ministrja Ibrahimaj teksa ju referua shifrave, duke e krahasuar rritjen ekonomike të vitit 2021 me 2020, tha se kemi një rritje me 8.4%. Ndërsa duke e krahasuar me vitin 2019, i cili ishte një vit normal, ( jo në pandemi), tha se rritja është 4.7%. Nga ana tjetër ministrja e Financave, Delina Ibrahimaj u shpreh se në dy muajt e parë të 2022 ka pasur rritje të të ardhurave me 18.1 miliardë lekë.
‘Në 2021 rritja ekonomike rezultoi 8.45 %. Rritja ka ardhur si nga treguesit final të popullatës, që ka pasur kontribut me 4.4% në këtë rritje. Si investimet dhe konsumi, kanë rezultuar me rritje gjatë 2021. Rishikimi i projeksioneve për rritjen nominale, treguesi i borxhit shënoi 73.2%. Treguesi i deficitit tregoi .45 nga 4.8 që ishte në fillim. Rritja ekonomike ka qenë e ndjeshme. Mali i Zi dhe Kosova, janë dy vende që gjatë 2020 kanë pasur bazë të ulët. Rritja për 2021 ishte 4.76% në krahasim me 2019-ën. Ka pasur një përshpejtim të rritjes.’- tha Ibrahimaj.
Sa i takon shifrave të punësimit, sipas ministres papunësia ka pësuar rënie dhe shkalla e punësimit ka filluar që të pësojë rritje. Duke u ndalur tek procesi i fiskalizimit, procesi do të përfundojë në përfundim të 6 mujorit të parë të këtij muaji, sipas pritshmërive të ministrisë së Financave.
‘Shifrat e punësimit kanë ndryshuar, pasi papunësia ka pësuar rënie. Shkalla e punësimit ka filluar të shënojë rritje. Paga mesatare ka ndjekur të njëjtin trend, e cila ka pësuar rritje nga viti në vit. Sa i përket treguesve të dy muajve të parë të vitit, kemi pasur rritje të ardhurash, në krahasim me vitin e kaluar, 18 mld lekë më shumë. Rritje kanë pësuar të ardhurat tatimore dhe ato doganore. Sipas pritshmërive tona, në përfundim të 6 mujorit të parë të këtij viti, do përfundojë fiskalizimi i subjekteve.”, tha Ibrahimaj.
Ministrja e Financave, Delina Ibrahimaj tha se inflacioni ka shkurtuar shpenzimet publike, ku këtë vit pritet që inflacioni të shkojë në 4.5 %
"Inflacioni këtë vit pritet të shkojë në 4.5 %. në vijim të parashikimeve kemi shkurtuar shpenzimet publike dhe operacionale për të financuar paketën e Rezistencës Sociale", tha ajo.
Ministrja e Financave, Delina Ibrahimaj tha se në dy muajt e parë të 2022 ka patur rritje të të ardhurave me 18.1 miliardë lekë, ndërsa në 6 muajt e parë të 2022 do të përmbyllet i gjithë procesi i fiskalizimit.
"Në dy muajt e parë janar-shkurt, kemi pasur rritje të të ardhurave me 26 % krahasuar me 2021, ose e 18.1 mld lekë më shumë. Edhe reforma e fiskalizimit ka vijuar ecurinë pozitive ku biznesi i madh është pajisur me certifikatë fiskalizimi, ndërsa 81 % e biznesit të vogël ka bërë fiskalizimin. Në fund të 6 muajve të parë të 2022 do të përfundojmë fiskalizimin për të gjithë subjektet", tha Ibrahimaj.
Lajme të tjera
-
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Buxheti 2025/ Si do të shpërndahen 8 miliardë euro! Fjala e plotë e ministrit të Financave Petrit Malaj
18 Nëntor, 14:33 -
Deputetja e PD-së, Jorida Tabaku: Tre arsyet pse produktet ushqimore në Shqipëri janë më të shtrenjta krahasuar me vendet e BE-së
10 Nëntor, 13:00 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
‘Refuzohet minimumi jetik 200 euro i propozuar nga opozita’, Ministria e Financave: Propozimi ishte i paplotë dhe i pastudiuar!
5 Nëntor, 17:19
-
ZYRTARE/ Shtyhet rivlerësimi i pronave, do të bëhet në 2025-ën kur të caktohen çmimet e reja të referencës së pronave në të gjitha bashkitë
5 Nëntor, 13:18
-
Buxheti 8.2 mld € për vitin 2025 prezantohet në komisione, PD mungon! Malaj: Garantojmë investime, rritje ekonomike e ulje borxhi! Alibeaj: Buxhet elektoral, financon PPP jo pensionet
4 Nëntor, 10:30
-
Euro rekord të ri negativ, këmbehet me 98.2 lekë! Buxheti i shtetit ka humbur 120 mln euro këtë vit nga zhvlerësimi i valutave, rrezik edhe për 2025-ën
31 Tetor, 16:06
-
Në 2025-ën do jepen 2 mln euro grant për pushtetin vendor! Bashkitë me përformancën më të mirë do të marrin më shumë para
30 Tetor, 16:45
-
Prezantohet në Kuvend projektbuxheti 2025, nuk ka ndryshim taksash! Malaj: Presim rritje ekonomike 3.9%, ulje të borxhit publik dhe më shumë investime
30 Tetor, 14:49
-
Zhvlerësimi i valutave uli borxhin e huaj! Ministria e Financave: Në fund të shtatorit borxhi publik zbriti në 55.4% të PBB-së
30 Tetor, 11:43
