POP 5

Lajmet më të lexuara të 5 minutave të fundit

Opinion

Minxhozi: Kufinjtë i ndryshojmë me Vuçiçin, por drekë me të në Tiranë nuk hamë!

Mbështetësit e kësaj teze nuk merakosen aspak për përmbajtjen dhe peshën reale të nismës shqiptaro-serbo-maqedono-malazeze, për të nxitur hapjen e kufinjve, e stimuluar lëvizjen e lirë të njerëzve, kapitaleve e tregut të punës.

Minxhozi: Kufinjtë i ndryshojmë me Vuçiçin, por drekë me të në Tiranë nuk hamë!

Refuzimi i Kosovës për të marrë pjesë në takimin e rradhës të Mini-Shengenit ballkanik në Shqipëri, po krijon një dallgë artificiale protestash, të nxitura nga pretendimi se ky projekt dëmton interesat e shtetit kosovar dhe të të gjithë shqiptarëve. Mbështetësit e kësaj teze nuk merakosen aspak për përmbajtjen dhe peshën reale të nismës shqiptaro-serbo-maqedono-malazeze, për të nxitur hapjen e kufinjve, e stimuluar lëvizjen e lirë të njerëzve, kapitaleve e tregut të punës.

Vala e protestave, të cilat i ngjajnë një patriotizmi patetik të një kohe tjetër, dëshmon vetë shkallën e manipulimit politik që po mvesh këtë nismë, më shumë sesa influencën e saj reale në punët e Ballkanit Perëndimor. Refuzimi i palës kosovare për t’u bërë pjesë e “Mini-Shengenit’, përtej faktit që e ka bazën tek dinamikat e brendshme të politikës kosovare, ka krijuar një klimë artificiale tensioni në botën shqiptare, a thua se Rama dhe liderët e vendeve të tjera ballkanike morën laps e letër dhe hodhën në erë interesat e shqiptarëve për pjesën e mbetur të shekullit 21!

Meqë jemi tek lapsi e letra, tingëllon shumë hipokrite dhe e pabazë të thuash sot se nuk ulemi në tryezë me Aleksandër Vuçiç, por ama kemi negociuar me të për muaj e muaj pas perdeve, projektin e “korrigjimit kufitar”. Kufinjtë i ndërrojmë me serbët, por dorën s’ua japim se na duket tradhëti kombëtare!

Sot sfida e Kosovës është të integrohet në sistemin ndërkombëtar. Ky është vektori i lëvizjes, përfshirja e shtetit të ri kosovar në tryezën e institucioneve e organizmave, e jo nxjerrja edhe e Shqipërisë nga ky sistem bashkëpunimi. Sa për Mini-Shengenin, le të kujtojmë se nisma të tilla Ballkani, Mesdheu, Deti i Zi e Europa Qëndrore, numërojnë një dyzinë e më tepër. Mospjesëmarrja në këtë rrjet bashkëpunimi nuk i bën mirë as Shqipërisë, as Kosovës. Siç ndodhi në samitin e SEECP në Bosnje muaj më parë, kur Rama dezertoi takimin për mospërfshirje të Kosovës, dhe vendin e tij e zuri me të drejtë presidenti Meta.

Mini-Shengeni, siç e thotë edhe vetë togëfjalëshi, është shumë i vogël, për të shitur a blerë interesat e shqiptarëve, serbëve, malazezë e maqedonëve. Edhe më i vogël e meskin është koncepti se ky format është e keqja absolute, hapi fatal që do të na marrë në qafë të gjithëve si komb.

Djalli është më pak i zi seç duket. Për faktin e thjeshtë se është një “djall fukarenjsh” ballkanikë që bëjnë vetëm foto me njëri-tjetrin, ndërkohë që vendimet i merr tjetërkush, shumë larg rajonit./ Javanews

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça