POP 5

Lajmet më të lexuara të 5 minutave të fundit

Ekonomi

Miratohen dy Akte Normative/ ‘Ekonomia’ pro shtyrjes së qirave dhe tatimit të thjeshtuar

Komisioni i Ekonomisë ka miratuar shtyrjen e parapagesës së tatimit të thjeshtuar mbi fitimin për 13 mijë biznese të vogla, si dhe u miratua shtyrja e pagesës së qirasë për dy muaj. Të dy këto akte normative janë miratuar me votat e mazhorancës, ndërsa pritet të kalojnë këtë javë për diskutim dhe miratim në parlament në seancën e 16 prillit.

Komisioni i ekonomisë dhe financave ka miratuar dy aktet normative të Këshillit të Ministrave për shtyrjen me dy muaj të pagesës së qirasë për dy muaj si dhe aktin normativ për shtyrjen e pagesave të kësteve të tatimit të thjeshtuar mbi fitimin për bizneset me xhiro vjetore 5 deri në 8 milionë lekë. Janë rreth 13 mijë biznese që përfitojnë nga shtyrja e parapagesës së tatimit të thjeshtuar që është në masën e 5%.

“Ky ligj parashikon që këstet paraprake të tatimit të thjeshtëzuar mbi fitimin të 3 mujorit të parë dhe të dytë të m,und të shtyhen dhe të paguhen për llogari të administratës tatimore në 20 tetor, ndërsa për 3 mujorin e 3 dhe të 4 të mund të paguhen brenda 20 dhjetorit 2020. Në total janë më shumë se 13 mijë tatimpagues që përfitojnë”, shprehet zëvendësministrja e Financave Vasilika Vjero.

Ndërkohë ky akt normativ nuk është mbështetur nga opozita. Deputetët e opozitës kanë deklaruar se shtyrja e parapagesave nuk është zgjidhje për biznesin i cili është në luftë për mbijetesë.

“Ku do ti gjejë parat biznesi pas tre muajsh rritja e të ardhurave nuk është çelës dritash që sa të hapësh derën të erdhën parat”, tha Artur Roshi.

“Ligji i tatimeve e parashikon që nëse një biznes mbyll aktivitetin edhe të përkohshëm sigurish  ai nuk regjistron në kasën e tij dhe nuk ka aktivitet, domethënë tatimet dhe tatimet i llogariten për aq muaj sa ka punuar në vit kjo logjikë të vazhdojë edhe për situatën”, shprehet deputeti Lita.

Përmes këtij Akti Normativ, qeveria propozon që shlyerja e këtyre detyrimeve për tremujorin e parë dhe të dytë të këtij viti të kryhet deri më 20 tetor, ndërsa për pjesën e mbetur të paguhen nga bizneset brenda datës 20 dhjetor 2020.  Po ashtu edhe sa i takon shtyrjes së pagesës së qirasë për dy muaj për bizneset e vogla të mbyllura me vendim qeverie dhe për ata që kanë humbur punën si pasojë e masave të marra, opozita është shprehur kundër. Sipas tyre duhet të subvencionohet qiraja me 50%.

“Propozimi për shlyerjen e pagesës së qirasë dhe pagimi i saj në mënyrë proporcionale në vazhdim nuk është aspak në favor të qiramarrësit i cili nuk di se si do ti shkojë biznesi në muajit e ardhshëm. qeveria duhet të merrte shembullin e Kosovës për një  më ambiciozë për të subvencionuar të gjitha qiratë në masën e 50%”, thotë deputetja e opozitës Suzana Topi.

Aktet e miratuara në komision pritet të kalojnë këtë javë për diskutim dhe miratim në parlament në seancën e 16 prillit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu