Një ligj i ri i miratuar me parlamentin e Irakut ku morën pjesë 170 ligjvënës nga 329 të tillë, ka shpallur dënime të ashpra për komunitetin e LGBTQ. Një nga ndryshimet, dënon me 10 deri në 15 vjet burg personat që kryejnë marrëdhënie të njëjtit seks, sipas dokumentit të parë nga AFP. Por dënime ka dhe për mjekët që operojnë për ndryshim gjinie.
Personat transgjinorë do të dënohen me tre vjet burg në bazë të ndryshimeve në një ligji kundër prostitucionit të vitit 1988, i cili u miratua gjatë një seance ku morën pjesë 170 nga 329 ligjvënës. Një draft i mëparshëm kishte propozuar dënimin me vdekje për marrëdhëniet e të njëjtit seks, në atë që aktivistët e kishin quajtur përshkallëzim "të rrezikshëm".
Ndryshimet e reja u mundësojnë gjykatave të dënojnë me 10 deri në 15 vjet burg personat që kryejnë marrëdhënie të të njëjtit seks , sipas dokumentit të parë nga AFP, në vendin ku homoseksualët dhe transgjinorët tashmë përballen me sulme dhe diskriminim të shpeshtë.
Ata caktuan gjithashtu një dënim minimal prej shtatë vitesh burg për "promovimin" e marrëdhënieve të të njëjtit seks dhe një dënim që varion nga një deri në tre vjet për burrat që "qëllimisht" sillen si gra. Ligji i ndryshuar e quan krim "ndryshimin biologjik të seksit bazuar në dëshirën dhe prirjen personale" dhe dënon transgjinorët dhe mjekët që kryejnë operacione për ndryshim gjinie deri në tre vjet burg.
Homoseksualiteti është tabu në shoqërinë konservatore të Irakut, megjithatë nuk kishte pasur më parë një ligj që dënonte në mënyrë eksplicite marrëdhëniet e të njëjtit seks. Anëtarët e komunitetit LGBTQ të Irakut janë ndjekur penalisht për sodomi ose nën klauzola të paqarta morale dhe kundër prostitucionit në Kodin Penal të Irakut. "Ndryshimet ndalojnë gjithashtu organizatat që "promovojnë" homoseksualitetin dhe dënojnë "këmbimin e gruas" me një dënim me burg nga 10 deri në 15 vjet.
Miratimi i projektligjit ishte shtyrë deri pas vizitës së kryeministrit Mohamed Shia al-Sudani në SHBA në fillim të këtij muaji, sipas ligjvënësit Raed al-Maliki, i cili avancoi amendamentet. “Ne nuk donim të ndikonim në vizitë,” tha al-Maliki për agjencinë e lajmeve AFP, duke shtuar se ishte një çështje e brendshme dhe se ata nuk pranojnë asnjë ndërhyrje në punët e Irakut.
Lajme të tjera
-
Lufta në Irak/ Dëmshpërblim milionësh për tre ish-të burgosur në Abu Ghraib nga ushtarakët amerikanë
13 Nëntor, 09:30 -
Sulmi në Ankara/ Turqia bombardon 32 objektiva të terroristëve në Irak dhe Siri (VIDEO)
24 Tetor, 07:26 -
Hasani: Shqipëria, e përkushtuar për të vijuar kontributin e saj në luftën kundër ISIS-it
1 Tetor, 09:41 -
Strategjia e re e ISIS: Një Xhihad të ri në Evropë, thika dhe ujqër të vetmuar
6 Shtator, 08:06 -
Ushtria amerikane vret 15 anëtarë të IS-it në Irak
31 Gusht, 15:43 -
Pesë ushtarë amerikanë plagosen në një sulm me dy raketa Katjusha ndaj një baze në Irak
6 Gusht, 07:32 -
SHBA-ja kryen sulm 'mbrojtës' në Irak
31 Korrik, 17:07 -
Java e Krenarisë në Kosovë, Dua Lipa mesazh për komunitetin LGBT+
3 Qershor, 15:39 -
Presidenti Erdogan në Irak, separatistët kurdë temë qëndrore diskutimi
22 Prill, 21:55 -
Presidenti turk Erdogan do të vizitojë Irakun javën e ardhshme
21 Prill, 17:17 -
Irak, bombardohet baza ushtarake pro-Iran! Erdogan takohet me liderin e Hamasit në Turqi, Izraeli: Turp
20 Prill, 08:39 -
Vrasja e tre ushtarëve amerikanë, SHBA miraton sulmet kundër objektivave iraniane në Irak dhe Siri
1 Shkurt, 16:48
