POP 5

Lajmet më të lexuara të 5 minutave të fundit

Politikë

Pas Kuvendit, opozita kaos edhe në ‘parlamentët vendorë’! PS miraton e vetme ndihmën ekonomike për familjet në nevojë në bashkinë e Tiranës

Mbledhja e radhës e Këshillit Bashkiak u shoqërua me kaos. Këshilltarët e opozitës nuk lejuan fjalën e kryebashkiakut Veliaj, ndërsa ndihma ekonomike për familjet në nevojë u miratua vetëm me votat e këshilltarëve socialistë

Pas Kuvendit, as parlamentet vendore në Bashki nuk po gjejnë qetësi. Mbledhja e radhës e Këshillit Bashkiak të Tiranës u shoqërua po ashtu me përplasje mes socialistëve dhe këshilltarëve të opozitës.

Mes zhurmës së këshilltarëve bashkiakë të opozitës, Këshilli Bashkiak i Tiranës miratoi vetëm me votat e mazhorancës, ndihmën ekonomike për familjet në nevojë, si dhe dhënien e bonusit të qerasë për familjet e evakuuara nga banesat e dëmtuara nga tërmeti i nëntorit 2019.

Këshilltarët e Lulzim Bashës, koalicionit Bashkë Fitojmë, por edhe ata të Arlind Qorrit u bashkuan dhe nuk votuan.

Kjo situatë bëri që as Kryebashkiaku Erion Veliaj të mos mbante fjalë, por në fund të votimit, një mesazh e pati për këshilltarët e opozitës.

“Do kishit votuar ndihmën ekonomike dhe qiranë. Po ju s'keni as din, as iman, as Zot, as atdhe as asnjë gjë”- tha Veliaj.

Nga jashtë bashkisë, Këshilltari i PL Tedi Blushi, i përjashtuar me 2 muaj pasi vendosi pranga në foltoren e kryebashkiakut, tha se Veliaj kërkon te bunkerizojë bashkinë.

Rendit zhvillimet sipas orarit:
Ora 19:16
FOTO / Nuk votuan ndihmën ekonomike për njerëzit në nevojë, këshilltarët e Berishës dhe Metës shkojnë me ‘Armani’ dhe ‘Moncler’ në Këshill Bashkiak

1706725135_kshillibashkiakitirans.PNG

Edhe pse refuzojnë që të miratojnë ndihmën ekonomike për njerëzit në nevojë, këshilltarët e Berishës dhe të Metës nuk hezitojnë që të shfaqin luksin e tyre.

Veshje, çanta dhe syze të firmave më të shtrenjta, aq sa një familje e thjeshtë në kryeqytet është kostoja e qirasë së banesës dhe e jetesës, për këshilltarët e opozitës është vetëm veshja e një dite të zakonshme.

Sikurse mund të shihni dhe nga fotot, çanta e këshilltareve të opozitës është Armani, ndërsa çizmet janë Monclair.

Nuk mungojnë as bluzat Versaçe apo syzet Vogue, të cilat janë elitare dhe vetëm për pjesën më të kamur të shoqërisë edhe për një vend të BE-së.

Teksa i sheh çdo ditë të politizojnë çdo kauzë, sot ekstremi i djathtë e i majtë u bënë bashkë të mos votoheshin vendimet e ndihmës ekonomike dhe bonuset e qerasë për të pastrehët, madje duke mos lënë as Kryetarin e Bashkisë të marrë fjalën e të arsyetojë vendimet.

Një nga vendimet që ata refuzuan të votojnë ishte dhe ai për miratimin e pagesës së qirasë sipas vlerës së tregut të lirë për familjet që preken nga rindërtimi në zonën e Kombinatit dhe ato të zonës së “5 Majit”.

B.V/Shqiptarja.com

B.V/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29