Mirditë, Lindita Nikolla shpërndan libra falas: Kjo nismë do zgjerohet në vitet në vijim edhe për klasat e tjera

Ministrja e Arsimit Lindita Nikolla ka qenë e pranishme sot në zonën e Mirditës, ku ka shpërndarë libra falas për familjet nga kategoritë e veçanta përfituese.  Dy vajzat e vogla të familjes Nikolli, Eitilda dhe Erjana morën në familjen e tyre nga ministrja pakon e librave duke marrë edhe urimet për një vit shkollor sa më të mbarë. Nikolla  deklaroi se:

Ky është një hap i parë për t’u qëndruar sa më pranë këtyre familjeve dhe për t’u lehtësuar shpenzimet që do duhet të kenë gjatë ditës së parë të shkollës duke u premtuar se për këto familje do të bëhen edhe më shumë.

Ministrja e Arsimit Lindita Nikolla

Kryefamiljarja e familjes Nikolli pohoi se librat falas janë një ndihmë që u ka lehtësuar buxhetin e tyre minimal ndërsa deklaroi se këtë vit nuk do i duhet të marrë para borxh për të blerë librat për vajzën në klasën e V-të dhe të rimbursohet pasi librat fëmijët i morën në dorë pa paguar asgjë.

Ministrja e Arsimit Lindita Nikolla në Mirditë duke shpërndarë libra falas

Ministrja Nikolla ishte e pranishme edhe në familjen Marku për t’i dhënë librat falas Kleanit, djalit të kësaj familje, që këtë vit shkon në klasën e VIII.  Ministrja theksoi se taksat e prindërve shqiptarë rikthehen për të lehtësuar shpenzimet e familjeve që kanë më shumë nevojë.

Ministrja e Arsimit Lindita Nikolla në Mirditë duke shpërndarë libra falas

Në familjen Ndreu, 3 fëmijët që përfitojnë tekste falas për shkak të statusit të jetimit, morën librat nga ministrja e Arsimit, e cila ishte në shtëpinë e tyre për vizitë, teksa pohoi se kjo nismë do të vijojë të zgjerohet në vitet në vijim edhe për klasat e tjera, ndërsa fëmijëve i uroi suksese në këtë vit shkollor.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet