Mirditë/ Tre fshatra pa rrugë dhe energji elektrike, banorët: Nuk i marrin në konsideratë ankesat tona!

Ndodhen pak km larg rrugës së kombit, por mungesa e investimeve i ka lënë në harrese fshatrat e Mirditës.

Infrastruktura rrugore është shqetësimi kryesor për 1600 banorët e fshatrave Munaz, Rrëja e Velës dhe Rrëja e Zezë.

Segmenti rrugor që i lidh me autostradën me fshatrat është tërësisht i amortizuar, ndërsa lëvizja vështirohet edhe nga rrëshqitja e dherave.

 “7 km, ku janë 1600 banorë që banojnë në këtë vend. Kemi pritur e presim nga shteti sot e kësaj dite ata nuk na marrin në konsideratë. Ne kërkojmë që për këtë rrugë shteti të ketë mëshirë për ne”, shprehet një banor.

“Kryetar i Bashkisë, Ndrec Deda aktuale na ka thënë që kjo ka për të qenë një punë e kryer por asgjë nuk është bërë deri më tani edhe ndonjëherë kur bëhet ndonjë gjë , ndodh vetëm në raste fushatash. Premtimi ka qenë se kjo rrugë do të bëhet me asfalt ” , thotë një banor tjetër.

Problem në këto fshatra mbetet dhe energjia elektrike. Banorët thonë se ndërprerjet e energji janë të vazhdueshme për shkak të amortizimit të rrjetit në të cilin nuk është investuar prej dekadash.

 “Nuk ka energji elektrike. Këtu nuk punojnë frigoriferë, lavatriçe nuk punon asgjë. Kam qenë edhe vetë si kryetar fshati personalisht tek Drejtori i elektrikut, më ka premtuar se do të riparojmë sa kemi mundësi, se telat ka 40 vjet aty që janë shumë të amortizuara. Sa erë fryn erë këputen dhe bien poshtë dhe vetëm me banorët e fshatit dalim e i rregullojmë”, shprehet banori i zonës.

Këta fshatra të Mirditës, me peizazh piktoresk janë një mundësi e mire dhe për zhvillimin e turizmit malor, por mungesa e investimeve jo vetëm pengon turizmin, por ka bërë që banorët të shpërngulen masivisht drejt zonave urbane.

E.M./r.k./Shqiptarja.com
  • Sondazhi i ditës:

    A jeni dakord me përfshirjen e aleatëve në listat fituese të PD-së?

Komento

Komente

  • meri: 23/11/2020 22:03

    Nuk eshte e drejte qe keta qytetar te trajtohen ne kete menyre,njerzit detyrohen te largohen nga vendi i lindje,ku len pas,te gjitha kujtimet me te bukura te jetes,per t'u perballuar me nji tjeter jet,te panjohur per ta,sepse shteti nuk i trajton si shtetas te saj.Jan mbipopulluar qytete e medha sa,nuk ka me ajer,per t'u mbushur me fryme.

    Përgjigju
  • Babloku: 23/11/2020 21:46

    Jo vetem keto fshatra qe keni permendur ju ne shkrim por jane nje numer akoma dhe me i madh fshatrash qe vuajne mungesen e mirembajtjes se tyre nga Drejtoria perkatese ne Bashkine e Ndrec Dedes. Jane nje ushtri punonjesish qe marrin rrogen si punonjes te mirembajtjes se rrugeve, ndersa ne realitet nuk sheh asnje nga kata punetore gjate 365 diteve te vitit ne rruge. Harrova te them se drejtori i rrin para dhe pas çdo dite kryetarit dhe ai eshte ne pune, perjashto ndonje rast kur eshte per inspektim ne hapjen e tokave te reja maleve. Jane rruget e Njesive Administrative te Selites, Kthelles, Fanit, Oroshit, Kaçinarit etj, qe vetem rruge normale nuk mund te quhen. Shikoje aksin Rreshen - Bukmire o kryetar mavria se megjithese eshte shtruar me asfalt nga turqit, jane bllokuar kanalet nga inertet dhe prurjet e reshjeve dhe po e gerryejne asfaltin dhe shtratin e rruges sikur te jete ndertuar ketu e 100 vite. Hidhi syte o zoti Ndrece nga homologet e tu te Lezhes, Pukes, Matit e Klosit e shiko se ata po bejne pune me ato mundesi qe kane. Mjere ai popull qe pret nga ti dhe mjere partia qe te ka ty.

    Përgjigju


×

Lajmi i fundit

John

Qeveria e Kosovës merr vendimin për lehtësimin e masave anti-COVID-19! Nga lëvizja e qytetarëve, te tubimet