Sezoni i dimrit, bashkë me temperaturat e ulëta, sjell reshje dëbore dhe ngrica, kjo veçanërisht në zonat malore, çka krijon probleme në qarkullimin e mjeteve. Autoriteti Rrugor Shqiptar ka nisur tashmë zbatimin e planit të masave për mirëmbajtjen dimërore të akseve rrugore, për të garantuar një qarkullim pa probleme dhe të sigurt të automjeteve në të gjitha segmentet rrugore në vend gjatë stinës së dimrit.
Plani i masave përfshin angazhimin e afro 500 mjeteve, borëpastruese dhe mjetet të tjera të rënda, ndërsa janë rezervuar afro 5 mijë tonë kripë që do të hidhen në rrugë, për të eliminuar ngricat si dhe afro 1200 punonjës, të cilët janë në gatishmëri në të gjithë vendin. Që prej datës 15 nëntor janë ngritur shtabet e emergjencës në drejtoritë rajonale dhe atë qendrore ku raportohet gjatë 24 orëve lidhur me problematikat dhe situatën në akset rrugore.
Për të ndjekur nga afër masat që janë marrë lidhur me mirëmbajtjen dimërore të akseve rrugore, ministrja e Infrastrukturës dhe Energjisë, Belinda Balluku ishte në Kukës, e shoqëruar edhe nga Drejtori i Autoritetit Rrugor Shqiptar, Ergys Verdho dhe kryebashkiaku, Safet Gjici.
“Autoriteti Rrugor Shqiptar e ka në fokus kryesor pjesën e mirëmbajtjes së akseve rrugore, ku mirëmbajtja është ndarë në dy pjesë. 1300 kilometra praktikisht është në kontratën e mirëmbajtjes me performancë të Bankës Botërore, ku ka katër kontrata që mbulojnë veriun, qendrën dhe jugun dhe pjesa tjetër e akseve rrugore, që janë 2400 kilometra, mirëmbahet nga Drejtoritë Rajonale në bashkëpunim me Autoritetin Rrugor Shqiptar”, bëri të ditur dporejtori Verdho.
Kryetari i Bashkisë së Kukësit, në territorin e së cilës, gjatë sezonit të dimrit ka pasur jo pak rastet ku ka qenë e nevojshme ndërhyrja për të pastruar rrugët si pasojë e reshjeve të borës, vlerësoi masat e marra në mënyrë të shkëlqyer, për të kaluar dimrin. Sipas Gjicit, pavarësisht se deri tani nuk ka pasur probleme, moti i ftohtë dhe reshjet kanë kohën e tyre ndaj masat duhet të jenë të plota.
Ministrja e Infrastrukturës dhe Energjisë theksoi rëndësinë për të garantuar lëvizjen e lirë dhe mbi të gjitha të sigurt të automjeteve në të gjitha akset rrugore të vendit, pavarësisht kushteve të motit. Në këtë pikë, tha Balluku, pushteti vendor duhet të bashkëpunojë ngushtë me Autoritetin Rrugor Shqiptar për të qenë të koordinuar, për të ndërhyrë menjëherë në rastet kur do të jetë e nevojshme.
“Është shumë e rëndësishme dhe duhet theksuar që bashkëpunimi i Bashkisë me Autoritetin Rrugor Shqiptar është një pjesë shumë e rëndësishme, sidomos në zonat të cilat e kanë edhe problematikën e motit të përkeqësuar, siç është zona e Kukësit, Ersekës apo Korçës. Sigurisht ne bëjmë punën, i kemi të gjitha fuqitë edhe mundësitë për ta përballuar, por bashkëpunimi me Bashkinë është shumë i rëndësishëm pasi ARRSH-ja shpesh herë mund t’ju vijë dhe ju në ndihmë për gjithçka që keni nevojë”, tha Balluku.
Referuar Bashkisë së Kukësit, ministrja e Infrastrukturës dhe Energjisë nënvizoi se tashmë kjo zonë ka të gjithë vëmendjen e qeverisë dhe investimet, të cilat janë duke u realizuar në territorin e saj e tregojnë më së miri këtë.
“Qeveria Shqiptare ka një fokus të veçantë në Kukës. Ne po shkojmë drejt përfundimit të aeroportit të Kukësit, që dukej deri para pak kohësh si një utopi, por ja që është e vërtetë dhe do dorëzohet brenda pranverës së vitit 2021. Sapo kemi mbaruar procedurën e ndërtimit të rrugës, e cila do të lidh qytetin me aeroportin e Kukësit pasi nuk e kemi pasur këtë rrugë dhe duke qenë se aeroporti po ecën me ritme të shpejta do duhet që kjo rrugë t’i përgjigjet sa më shpejt për të pasur një akses duke mos kaluar më brenda qytetit”, u shpreh Balluku duke përmendur edhe investimet që po bëhen në spitalin e qytetin dhe ndërtimin e stadiumit të ri.
Sa i takon shqetësimit të ngritur nga kryebashkiaku Gjici lidhur me furnizimin me ujë të pijshëm të qytetit të Kukësit, ministrja Balluku bëri të ditur se ndërtimi i ujësjellësit të ri është një nga prioritetet e AKUM dhe shumë shpejt edhe ky shqetësim do të marrë rrugën e zgjidhjes.
Komente
Lajme të tjera
-
Berisha: Ky buxhet i çon miliardat tek Lubi Balluku, ka hyrë në Gines kjo hajdute! Vetëm 16 milionë euro dhe bonusi i blerjes së votave
18 Nëntor, 13:36 -
Skandali me shit-blerjen e energjisë elektrike, Bardhi: Shqipëria e paguan me 11,1 euro, Kosova me 7,4 euro! Abuzime kriminale, Balluku përgjegjëse, SPAK të hetojë
15 Nëntor, 17:40 -
Probleme me zemrën dhe diabetin, Safet Gjici në gjendje jo të mirë shëndetësore
12 Nëntor, 16:14 -
Shqipëria dhe Emiratet e Bashkuara marrëveshje për krijimin e kompanisë së përbashkët të prodhimit të energjisë! Investime në vendin tonë dhe rajon
12 Nëntor, 14:22 -
Safet Gjici kërkon lirinë! Gjykata e Elbasanit do të ngrejë grup ekspertësh për të verifikuar gjendjen shëndetësore të ish-kryebashkiakut të shtruar në spital privat
11 Nëntor, 13:58
-
Kukës, nënat me fëmijë të vegjël në krahë apel bashkisë: Bëni trotuaret! Rrezikojmë jetën duke ecur në rrugën e makinave
9 Nëntor, 17:01
-
FOTOLAJM/ Çudia në Ksamil, rrugës i vihet gardhi
9 Nëntor, 10:12 -
Debate të forta te Ekonomia, Spaho akuza Ballukut: Keni vjedhur miliona me Thumanë-Kashar dhe tek ‘Tuneli i Llogarasë’! I përgjigjet zv/kryeministrja
8 Nëntor, 12:27 -
Bardhi akuza zv.kryeministres: Mjafton të shohim si vishej Belinda Balluku para 5 vitesh dhe se sa kushton veshja e saj sot! Je betuar për mirëqenie qytetarësh, jo të vetes
7 Nëntor, 15:51 -
Rrugët me pagesë do të menaxhohen edhe nga shteti, qeveria krijon ‘EKORR’! Kompania do të monitorojë edhe akset e dhëna me koncesion
6 Nëntor, 20:38
-
Më 31 dhjetor hapet plotësisht Unaza e Madhe! Bypass i Tiranës 'peng' i negociatave me BE
6 Nëntor, 15:21
-
Berisha denoncon punimet në Unazën e Madhe: Lubi Balluku e ndau në 14 lote për të vjedhur! Ndërtojnë me çmime 10-fish më të larta se Kroacia! Të bëjmë betejë për minimumin jetik 200 euro
4 Nëntor, 13:29
Po ne rrugen dytesore nga spitali Hygeia deri ne Vore.Kur do jete ne vemendjen e Qeverise? Kjo rruge ndodhet afer Tiranes o Ministre e ........
Përgjigju