Receta

Mish me lakër nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 19 Janar, 11:46 | Përditesimi: 19 Janar, 11:47

Mish me lakër

Përbërësit:

1 kg lakër e bardhë
4 racione mish
1 qepë mesatare
2 domate të grira /1 lgj salcë
4-5 lgj vaj ulliri
1 gotë verë e bardhë /2 lgj uthull
Kripë, piper i zi
Pak spec djegës

Përgatitja:

LEXO EDHE:
Pulë me oriz në furrë nga zonja Albana

Në një tenxhere kaurdisim thelat e mishit të marinuara me pak kripë, pastaj hedhim qepën e grirë imët dhe e skuqim sa të zbutet. Pasi i kthejmë disa herë shtojmë domatet e grira, salcën, piperin e zi, specin djegës dhe e lëmë sa të pijë lëngun. Heqim mishin dhe e vendosim në një pjatë. Hedhim dy gota ujë të ngrohur e më pas lakrën e grirë në copa mesatare. Shtojmë kripë, verë të bardhë ose uthullë dhe me lugë e trazojmë me kujdes derisa të zbutet pak lakra. Shikojmë nivelin e lëngut të gjellës, që duhet të jetë i barabartë me lakrën. Kontrollojmë shijen e kripës (kujdesemi për kripën, sepse lëngu do të pakësohet gjatë zierjes, prandaj të mos e teprojmë). Përsipër vendosim thelat e mishit dhe e mbyllim tenxheren duke e lënë të ziejë në zjarr mesatar afërsisht 45-50 minuta, derisa të jetë tretur dhe të ketë mbetur me pak lëng.

MC/Shqiptarja.com

TAG: