Receta

Mish me speca dhe salcë në tavë dheu nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 31 Janar, 12:23 | Përditesimi: 31 Janar, 12:24

Mish me speca dhe salcë në tavë dheu

Përbërësit:

500 gr mish sipas dëshirës
3 speca të kuq
1 kokërr qepë
2 thelpinj hudhër
200 ml verë e bardhë
150 ml salcë e kuqe
200 gr djathë i butë
Vaj ulliri
Spec djegës
Kripë, piper i zi

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Fillimisht kaurdisim mishin e prerë në kubikë me pak vaj ulliri. Shtojmë qepën e prerë në gjysmë hëne, thelpinjtë e hudhrës dhe specat e prerë rrethore. Vijojmë kaurdisjen për pak minuta dhe më pas e shuajmë me verë. Sapo të avullojë alkooli shtojmë masën e salcës. Rregullojmë shijen me kripë, piper të zi dhe pak spec djegës. Të gjithë masën e ndajmë në tava balte, duke e spërkatur me djathë të butë, sipër djathit shtojmë disa speca të prera rrethore dhe e vendosim në furrë të nxehtë.

MC/Shqiptarja.com

TAG: