Receta

Mish viçi me patate dhe karrota / Gjella më e shijshme nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 7 Nëntor, 12:10 | Përditesimi: 7 Nëntor, 12:12

Mish viçi me patate dhe karrota

Përbërësit:

500 gr mish
1-2 qepë mesatare
2-3 thelpinj hudhër
4-5 lgj vaj ulliri
4-5 patate
2 karrota
1 degë rozmarinë
1/2 lgj salcë domate
8-10 domate qershi
1-2 gjethe dafine
Kripë, piper i zi
Majdanoz për servirje

Përgatitja:

LEXO EDHE:
Pite të shpejta tigani të buta si pambuk nga zonja Albana

Kaurdisim racionet e mishit së bashku me qepën e grirë hollë. Sapo mishi të fillojë të krijojë koren e kuqe shtojmë salcën, gjethet e dafines, kripë dhe piper. Vazhdojmë kaurdisjen për 1-2 minuta, më pas shtojmë ujë në masë të mishit, e mbulojmë me kapak dhe e lemë të ziejë në temperaturë mesatare. Në një tigan me pak vaj ulliri kaurdisim domatet e vogla duke u hedhur pak kripë dhe piper. I lemë domatet për 1-2 minuta të skuqen lehtësisht dhe më pas i vendosim në një tavë. Në po të njëjtin tigan shtojmë patatet të prera në feta të holla dhe i kaurdisim lehtë. I vendosim dhe patatet në tavë së bashku me mishin me salcë të cilin e kemi lenë për 20 minuta të ziejë. E vendosim tavën me patate dhe mish në furrë në temperaturën 200 gradë Celsius për 40 minuta.

MC/Shqiptarja.com

TAG: