Përpos personelit mjekësor, pjesë e stafit të urgjencës së Fierit janë dhe 25 shoferë që punojnë pa lodhur në misionin e vështirë për të shpëtuar jetë.
Report Tv sjell momente nga puna e tyre, përmes rrëfimeve të Hamit Muratit, Edi Xhukiçit dhe Andrea Qoses.
Një telefonatë e mbërritur në 127 ka vënë në lëvizje stafin mjekësor të urgjencës së Fierit. Mjeku, infermieri dhe shoferi i ambulancës nxitojnë për të transportuar pacientin në spital....
Në fokusin tonë sot janë, më të padukshmit, shoferët e ambulancave.
Grupi i xhirimit të Report Tv ndoqi një ditë pune të shoferëve, të cilët punojnë pa u lodhur edhe pse me paga modeste.
Edi Xhukiçi tregon vështirësitë, sidomos gjatë sezonit veror kur shtohet fluksi i urgjencave.
"Jemi urgjenca 127 në shërbim të komunitetit të Fierit tani që vjen periudha e plazheve e kemi vëmendjen më të lartë, sepse edhe trafiku rëndohet për pushime dhe jemi të detyruar ta mbajmë gatishmërinë në maksimum. Sipas rasteve,kur janë shumë të rënda, i përdorim sirenat pa ndaluar kur jemi në trafik ", tha ai.
Ndërsa Hamit Murati, me eksperience 20-vjeçare veçon si rastin më të vështirë të punës, aksidentin fatal të 8 nëntorit 2010 kur u aksidentua autobusi me 50 pasagjerë.
"Kemi pasur raste me rrëzimin e autobusit në Fratar, kemi bërë 3-4 rrugë. Secila ambulancë me viktima me njerëz të plagosur. Punojmë 24 orë non stop kam 20 vjet", u shpreh ai.
Me moton "koha është flori", drejtuesit e ambulancave përshkojnë rrugët e Fierit për 3 minuta, ndërsa në për fshatra shkon rreth 15 minuta.
Roli i shoferit është kryesor, e kemi përmbushur me devotshmëri deri tani sidomos në pandemi, por duke qenë një grup i bashkuar kemi punuar me vetëmohim, jemi një grup dhe punojmë për një qëllim, shëndetin e të sëmurit. Kemi mirëkuptimin e njerëzve, me rrugë të ngushta, ne kemi bërë të pamundur në kohë rekord 1 minutë deri në 3 minuta,brenda fierit, 8-12 min, Fieri ka 144 fshatra. Kemi qenë të palodhur. Jemi shpërblyer me buzëqeshjen e njerëzve", tha njëri prej shoferëve Andrea Qose.
Fieri si një ndër qytetet më të mëdha në vend merr 160 telefonata urgjence në 24 orë. Një punë e jashtëzakonshme jo vetëm për stafin mjekësor por edhe për heronjtë në drejtimin e ambulancave.
Lajme të tjera
-
Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh
24 Nëntor, 19:34
-
Bardhi takim me strukturat e PD në Divjakë, thirrje dhe për protestën e të martës në Tiranë: Fermerët kanë mjaftueshëm arsye!
24 Nëntor, 19:21 -
Tentoi të vriste 47 vjeçarin në Fier, arrestohet pas 3 vitesh
24 Nëntor, 10:39 -
Vaksinat kundër kancerit të qafës së mitrës te vajzat, Koçiu: Janë aplikuar mbi 9,344 doza te moshat 13-20 vjeçe
23 Nëntor, 15:17 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
Moti i keq në Fier/ Disa fshatra pa energji elektrike
22 Nëntor, 18:51 -
Moti i keq në Lushnjë/ Rrugët kryesore në pushtetin e ujit! Ndërprerje e energjisë elektrike në qytet dhe zona rurale (VIDEO)
22 Nëntor, 18:29 -
Komedia ‘Ëndërr në papafingo’ në skenën e Teatrit të Fierit! Regjisori Leka Bungo: Trajton familjen socialiste në vitet ‘70
22 Nëntor, 18:12
-
Masat pas vrasjes së Martinit, shqiptarët në shumicë dërrmuese pro mbylljes së TikTok e Snapchat! Fieri nis blerjen e kamerave për kopshtet e shkollat
22 Nëntor, 17:00
-
Lushnjë-Rrogozhinë/ Makina me shpejtësi del nga rruga dhe përplas dy mjetet e parkuara para hotelit, s’ka të lënduar! Policia ndalon drejtuesin, shkak dyshohet edhe lagështia
22 Nëntor, 16:58 -
Po transportonin emigrantë drejt Shkodrës, 5 të arrestuar, braktisën mjetin pasi panë policinë
22 Nëntor, 12:40 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11
