Pamjet e një takimi mes Drejtorit të Përgjithshëm të Top-Channel, Ben Blushi dhe gjyqtarit të Gjykatës së Lartë, Ardian Dvorani, kanë zënë një hapësirë të konsiderueshme në disa portale të sponsorizuara pranë opozitës. Më pas, këto foto të shkëputura nga kamerat e sigurisë së një lokali në qendër të Tiranës, i janë dërguar edhe ish-kryeministrit Sali Berisha, i cili ka dubluar siluretën e të njëjtave portale, duke hedhur akuza politike.
Portalet e opozitës dhe Sali Berisha akuzojnë Ben Blushin se po ndikon tek gjyqtarët që kanë në shqyrtim gjyqin e pronësisë së Top Channel, mes Vjollca Hoxhës dhe ish-ortakëve të saj. Një prej emrave të trupës gjykuese është pikërisht edhe gjyqtari Ardian Dvorani. Sipas Berishës, Blushi takoi Dvoranin për t'i bërë presion, ndërsa është vetë gjyqtari i Gjykatës së Lartë i cili në një sqarim publik thotë se nuk është pjesë e trupës së Kolegjit në gjyqin e Top-Channel.
Megjithatë, konteksti tashmë merr një rrjedhë ndryshe, po të kemi parasysh se takimi i Blushit me Dvoranin është fiksuar nga kamerat e sigurisë së një lokali dhe jo nga një kamra amatore apo nga ndonjë përfaqësues i medias. Dikush nga salla e monitorimit të sigurisë së biznesit, ka kërkuar pamjet në serverin e kamerave, ka selektuar momentin e takimit, është kujdesur të garantojë privatësinë e klientëve të tjerë dhe më pas ka përdorur fotot Blushi-Dvorani në funksion të shigjetimit politik të gazetarit apo gjyqtarit.
Direktivat kanë qenë të qarta për 'agjentin' dhe informacioni i servirur gjithashtu ka qenë i saktë: Takimi Blushi-Dvorani ka ndodhur të enjten e 24 majit 2018, ora 18:04:41 sekonda, në bar-kafenë e një hoteli të njohur në qendër të kryeqytetit dhe ka zgjatur deri në orën 07:25:52 pasdite.
Dhe pyetja që lind është: Kush po e përgjon Ben Blushin? Përndjekja e tij vjen pak kohë pasi ka marrë pozicionin e rëndësishëm në Top-Channel, në një kohë kur prej disa muajsh, pas dështimit në zgjedhjet e qershorit të kaluar, u la në harresë.
Dinamika, rrethanat, kërkimi dhe pamjet e nxjerra nga një kamera sigurie, flasin më shumë se një rastësi...
(Takimi Blushi-Dvorani, pamjet e shkëputura nga kamera e sigurisë së lokalit)
Komente
Lajme të tjera
-
Ben Blushi: Vetëvrasja e Iranit
4 Tetor, 10:31
-
Ben Blushi: Bektashizmi dhe Shqipëria
26 Shtator, 12:33
-
Ben Blushi: A duhet të armatoset Shqipëria?
13 Shtator, 17:29
-
Spahiu replikon me Ben Blushin: Shqipëria vetëm çmimet ka europiane, por standardet afrikane
27 Gusht, 17:47 -
Ben Blushi: Pse duhet ta durojmë fyerjen e Tanja Fajon
26 Gusht, 21:05
-
114 mijë dosje në pritje të gjykimit, KLGJ me strategji për uljen e ‘backlog’: Ndryshime ligjore, më shumë ndihmës ligjorë! Qeveria: Gati të japim paratë
20 Maj, 13:16 -
Lorenc Vangjeli: Ndëshkimi i Ben Blushit si komplotist
18 Janar, 11:39
-
Ben Blushi: Sabahetja e Prishtinës
23 Dhjetor 2023, 15:28
-
Ben Blushi: A mund të jetë Izraeli anëtar i NATO-s?
25 Nëntor 2023, 13:51
-
Ben Blushi: Në Kukës më gjobitën me 300 mijë lekë se isha me shpejtësi të lartë! Në Kosovë, gjobën e shleva me libra
25 Nëntor 2023, 07:43 -
Edison Ypi: Mbreti i Panairit të Librit
17 Nëntor 2023, 11:32
-
Shqiptarët që ikin, ‘Komploti’ i Ben Blushit, si një paralajmërim, shkrimtari në Panair: Një thirrje letrare për të mos e braktisur vendin!
16 Nëntor 2023, 17:34
Po si nuk keni turp ngelet me konspiracion. Po Ben Blushi nuk erdhi dje nga mali ne Tirane, ai eshte lind e rritur ne Tirane. Po ka njohje si kush tjeter, ka qene deputet shume vite. Po ka rreth miqsh, krushqish, kusherinj etj. Vetem konspiracion kazani. Po mire ti behet se hyri dhe vet ne mes te kazanit.
Përgjigju