Mitrovica, Presidentja takon drejtues të strukturave të sigurisë

Presidentja Atifete Jahjaga po zhvillon sot takime me drejtues të strukturave të sigurisë më qëllim të koordinimit të veprimeve institucionale pas zhvillimeve të fundit në veri të vendit ku mbeti i vrarë 38 vjeqari Selver Haradinaj. 

Këshilltari për media i presidentes, Arbër Vllahiu tha se presidentja po i zhvillon këto takime në kuadër të përgjegjësive kushtetuese dhe ligjore në përpjekje për të bashkërendurar veprimet institucionale. Presidentja Jahjaga ka takuar sot ministrin e brendshëm Bajram Rexhepin, drejtorin e Agjensisë së Intelegjencës, Bashkim Smakajn ndërsa në orët e pasdites ajo do të takohet edhe me zyrtarë të EULEX-it.

Ndërsa në një takim me serbët në qytetin e Shtërpcës, afër Brezovices, presidentja Jahjaga tha “Ne duhet që së bashku ta kundërshtojmë dhunën që po shkatërron të ardhmen dhe zhvillimin tonë. Ngjarjet e fundjavës që lamë pas në Mitrovicë, që morën jetën e një qytetari të Kosovës dhe lënduan familjen e tij, janë të papranueshme”.

/rg/shqiptarja.com/