POP 5

Lajmet më të lexuara të 5 minutave të fundit

Kronikë

Mjekja Çeliku kallëzon pacienten:
Më qëlloi me grusht. Ja reagimet

Një 59-vjeçare nga Tirana është duke u proceduar në gjendje të lirë për dhunë ndaj bluzave të bardha. Është mjekja 56-vjeçare Silvana Çeliku në pavionin e Onkologjikut në QSUT e cila ka bërë kallëzimin në policinë e Tiranës se pacientja e saj e ka qëlluar me grushte atë së bashku me nj mjek tjetër.
TIRANË -  Bluzat e bardha në qendrën spitalore universitare “Nënë Tereza” kanë punuar nën “revoltë” këtë të martë, kjo në shenjë proteste ndaj dhunës që një paciente ushtroi ndaj një mjekeje dhe infermieres. Incidenti është shënuar gjatë së dielës ndërsa mjekja e njohur e pavionit të Onkologjisë Silvana Çeliku (ne foto) ka bërë kallëzimin në polici për dhunën që ajo pretendon se është ushtruar ndaj saj dhe infermieres me inicialet S.K.

Sipas kallëzimit të mjekes Çeliku një paciente 59-vjeçare, e cila tashmë po procedohet në gjendje të lirë nga policia, ka qenë duke kryer mjekimin e kimio-terapisë në spital dhe në mënyrë të papritur i është “sulur” bluzave të bardh. Mjekja pretendon se pacientja e ka qëlluar me grushte atë dhe infermieren. Mësohet se pacientja kurohej në këtë shërbim prej një viti.

Për këtë ngjarje ka reaguar edhe Ministria e Shëndetësisë, Drejtoria e Qendrës Spitalore Universitare “Nënë Tereza” dhe Këshilli i Mjekëve shqiptarë. Ata i janë bashkuar njëzëri shqetësimit të personelit shendetësor të Onkologjisë duke dënuar atë që e quajnë akt të shëmtuar ndaj bluzave të bardha.

mjek pavioni onkologjiku

Reagimi i Ministrisë së Shëndetësisë
Ministria e Shëndetësisë dhe Drejtoria e QSUT është e vendosur të inkurajojë organet kompetente që të vendosin drejtësi, si dhe u bën thirrje qytetarëve të respektojnë figurën e personelit shëndetësor në detyrë dhe të denoncojnë çdo rast abuziv. Sfida jonë është që t’u rikthejmë qytetarëve besimin e humbur tek shërbimi shëndetësor, t’u japim atyre mbrojtjen e merituar përmes një sistemi cilësor shëndetësor dhe t’u krijojmë profesionistëve kushtet e nevojshme për të shërbyer me cilësi, prandaj Ministria e Shëndetësisë gjen rastin për të përsëritur thirrjen e saj drejtuar të gjithë qytetarëve që hasin vështirësi në marrjen e shërbimit të kujdesit shëndetësor, apo përballen me kërkesa për pagesa nën dorë, të denoncojnë menjëherë rastin pranë Ministrisë së Shëndetësisë në adresën e postës elektronike:
[email protected]; si dhe në faqen online të nismës antikorrupsion të Qeverisë Shqiptare: http://www.stopkorrupsionit.al/shendetesia.

Vetëm në këtë mënyrë mund të përmirësojmë cilësinë e shërbimit dhe të arrijmë në vendosjen e sistemit të kujdesit shëndetësor që duam.

Reagimi i këshillit të Mjekëve Shqiptarë
Këshilli i Mjekëve Shqiptarë thotë se me dhunën ndaj mjekes dhe infermieres janë dhunuar të gjithë bluzat e bardha. Ata ngrenë shqetësimin se siguria në punë është në nivele alarmante.

Denim, Denim, Denim Dhunes ndaj Bluzave te Bardha!
Bluzat e bardha sot dhunohen fizikisht!
Profesoret e mjekesise sot dhunohet fizikisht!
Profesoreshe Silva Celiku sot u dhunua fizikisht!
Te tere ne bluzat e bardha sot u dhunuam fizikisht dhe moralisht ne maksimumin e mundshem!
Sot u dhunua nje mjeke, u dhunua nje profesoreshe, u dhunua nje bluze e bardhe, sot ne vitin 2015 vazhdon barbarizmi ndaj bluzave te bardha!
Deshperimi dhe marrezia e popullit te deshperuar nuk mund te vazhdohet te tolerohet te shfryhet te bluzat e bardha!
Siguria ne pune eshte zero!!!

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55