Mjeku Alban Hatibi ka fituar betejën me koronavirusin në Spitalin “Shefqet Ndroqi”. Lajmin e mirë e ka dhënë këtë mëngjes shefja e Reanimacionit në Spitalin COVID 2, Alma Cani, e cila ka ndarë me të gjithë ndjekësit. Ajo thotë se Albani prej vitesh ka punuar me përkushtim, devotshmëri, profesionalizëm e modesti në ndihme të jetës së pacientëve ndaj kthimi i tij mes tyre është i domosdoshëm.
Mesazhi i Alma Canit:
Kënaqësi për mua t'ju njoftoj qe Dr Alban Hatibi e fitoj betejën me Covid-19! Çdo dite duke u përballur me ketë uragan që nuk po mbaron, çdo ditë duke u ndeshur me ketë të keqe që nuk po kursen jetën e njerëzve, përfshirë këtu edhe moshat e reja, për ne bluzat e bardha rreziku është i madh dhe ne nuk jemi të përjashtuar nga e keqja, që është afër nesh çdo çast! Dr Albani prej vitesh ka punuar me përkushtim, devotshmëri, profesionalizëm e modesti në ndihme të jetës së pacientëve ndaj kthimi i tij mes nesh është i domosdoshëm! Faleminderit të gjithëve për mesazhet pafund që të gjithë ju miq, kolegë, familjarë, dashamirës, pacient, të njohur e të panjohur që nuk reshten gjatë gjithë këtyre ditëve si suport moral për të gjithë ne! Kënaqësi se i shtohet dhe fakti që kthimi i Dr Albanit në ketë arenë lufte të përgjakshme që ne po përjetojmë, na jep forcë, besim e shpresë që ne së bashku do ja dalim! Asgjë në jetë nuk duhet të na frikësoje: duhet të kuptojmë e të jemi realist Respektoni rregullat! Mbroni jetën tuaj dhe të të tjerëve! Respektimi i rregullave nga ju është ndihme për jetën tuaj e forca jonë!