TIRANË- Mjeku radiolog Pëllumb Hysko i cili shërben në spitalin “Shefqet Ndroqi”, por edhe në një klinikë private, është arrestuar nga Policia e Tiranës, nën akuzë për shpërdorim detyre dhe ngacmim seksual. Po ashtu, në hetim është vënë edhe tekniku laborant Artur Zeko për shpërdorim detyre.
"Në lidhje me një rast të transmetuar mbrëmjen e djeshme, në emisionin investigativ “Stop”, ju bëjmë me dije se: Pas transmetimit të pamjeve filmike, specialistët e Sektorit për Hetimin e Krimit Ekonomik dhe Financiar në DVP Tiranë ndaluan shtetasin Pëllumb Hysko, 58 vjeç, i dyshuar për veprat penale "Shpërdorimi i detyrës" dhe "Ngacmimi seksual" parashikuar nga neni 248 dhe 108/a të Kodit Penal.
Gjithashtu proceduan në gjendje të lirë shtetasin A. Z., 51 vjeç, për veprën penale "Shpërdorimi i detyrës" parashikuar nga neni 248 i Kodit Penal", njoftoi Policia.
Arrestimi i mjekut radiolog nga detyra vjen pas një skandali me një paciente në ambientet e spitalit Shefqet Ndroqi, të cilën e ka ngacmuar seksualisht. Rasti u denoncua në emisionin investigativ STOP.
Vetë spitali "Shefqet Ndroqi" para arrestimit të mjekut, pati deklaruar se mjeku ishte pezulluar nga detyra. Spitali “Shefqet Ndroqi” thotë se ka nisur edhe një hetim disiplinor për radiologun dhe gjithë punonjësit e e përfshirë në këtë rast të paprecedent.
“Pas publikimit të rastit tronditës në emisionin “Stop”, mjeku radiolog Pëllumb Hysko dhe tekniku laborant Artur Zeko janë pezulluar menjëherë nga detyra. Drejtuesit e spitalit kanë urdhëruar fillimin e një hetimi disiplinor dhe të Këshillit të Etikës për të gjithë punonjësit e përfshirë në këtë rast të paprecedent.
Ne dënojmë me ashpërsinë më të madhe çdo sjellje abuzive me pacientët. Abuzimi seksual është jo vetëm një veprim kriminal, por një shkelje e rëndë e besimit dhe etikës mjekësore, së cilës i jemi përkushtuar. Të gjithë ne mjekët dhe punonjësit e Spitalit “Shefqet Ndroqi” jemi thellësisht të tronditur, të tradhtuar dhe të revoltuar nga veprimet e kolegëve tanë. Por, duam të sigurojmë qytetarët se do të vijojmë të qëndrojmë në mbrojtje të shëndetit, dinjitetit dhe mirëqenies së tyre.
Falënderojmë emisionin “Stop” për denoncimin e këtij rasti abuziv dhe inkurajojmë çdo qytetar dhe media të bëjnë të njëjtën gjë nëse ndodhen përpara situatave te shëmtuara qe kompromentojnë misionin fisnik të mjekut dhe të personelit tonë, të cilët shërbejnë për të shëruar dhe shpëtuar jetë njerëzish.
Ky rast na bën të ndiejmë përgjegjësinë për t’u kërkuar ndjesë publike qytetarëve dhe sigurojmë publikun se çdo rast i ngjashëm do të marrë përgjigjen e merituar ligjore në bashkëpunim me organet përkatëse, duke siguruar ndëshkimin e individëve që kompromentojnë misionin e shenjtë të mjekut”, thuhet në deklaratë.
Komente
Lajme të tjera
-
Skandali me mbetjet spitalore, Gjykata e Tiranës lë në fuqi arrestin në burg për administratorin e kompanisë! Ervis Miri nuk ka pasur pajisjet për trajtimin
7 Qershor, 15:17
-
Realizohej vetëm në klinika të specializuara nëpër botë, kryhet për herë të parë te 'Shefqet Ndroqi' operacioni i rrallë
10 Prill, 18:45 -
Aparatura të reja për spitalet publike, Rama e ministrja e Shëndetësisë inspekojnë investimet te ‘Shefqet Ndroqi’, shtohen skanera të rinj
8 Korrik 2022, 14:55 -
2 javë agonie, kompozitori Limos Dizdari del nga intubimi! Mjekët ndërhyrje delikate kur ishte në intubim
18 Maj 2022, 11:35 -
Transferohet shërbimi i urgjencës kirurgjikale nga QSUT, në spitalet univerisitare të Traumës dhe te 'Shefqet Ndroqi’
23 Dhjetor 2021, 09:35 -
Simptomat afatgjata të COVID, hapet pavioni Post-Covid në Sanatorium
21 Dhjetor 2021, 07:31 -
Hapet shërbimi i ri kardiokirurgjisë në spitalin ‘Shefqet Ndroqi’, ministrja: Rriten që në vitin e parë me 30% ndërhyrjet kardiokirurgjikale falas
14 Dhjetor 2021, 11:32 -
Mjeku lë Greqinë pas 25 vitesh për të punuar në Shqipëri! Kirurgu për Report Tv: U ktheva me dëshirë në shtëpi
26 Nëntor 2021, 15:28
-
Merr flakë kabina elektrike te spitali Shefqet Ndroqi, zjarri nuk prek godinën, situata nën kontroll
15 Tetor 2021, 11:54 -
Dha dorëheqjen si drejtor i spitalit 'Shefqet Ndroqi', Perlat Kapisyzi bën gjestin falenderues për kolegët: Luftuat duke dhënë dashuri, ia dolët
29 Shtator 2021, 19:05 -
Jep dorëheqjen drejtori i 'Shefqet Ndroqit' Perlat Kapisyzi, në krye të spitalit komandohet mjekja Silvana Bala
28 Shtator 2021, 15:37 -
Pas QSUT, shtohet një tjetër laborator modern me standarde ndërkombëtare te ‘Shefqet Ndroqi’, Manastiliu: Zgjerohet gama e analizave falas për pacientët
24 Qershor 2021, 11:33
Ky trimi pislliqet i bente ne kliniken private, jo ne shtet. Nqs nuk i hiqet e drejta e ushtrimit te profesionin dhe nuk denohet penalisht, ky mund te vazhdoje perseri. Vesi del me shpirtin!
PërgjigjuShtresa me e ulet e shoqerise mjeket doktorrat dhe deputetet jan..te fëlliqur fare te degraduar
Përgjigju