Mocioni me debat për 11 majin, Berisha: Proces farsë tipike e narkodiktaturave! Balla: Meqë në Shqipëri u përdor shteti, pse humbët dhe në Diasporë?

Pas përfundimit të mocionit me debat në Kuvend, kryeministri Edi Rama është paraqitur në Kuvend pak para nisjes së procesit të votimit.

Rama ka thirrur menjëherë një mbledhje të Grupit Parlamentar të Partisë Socialiste, pak para se të votohen pikat e rendit të ditës për Avokatin e Popullit dhe projektligji “Për buxhetin e vitit 2026”.

Pas ceremonisë së 35-vjetorit të themelimit të Partisë Demokaratike, Sali Berisha u rikthye në Kuvend nga ku mbajti fjalimin e tij.

Gjatë fjalës, Berishës nuk i shpëtojë as reagimin i deputetit Damian Gjiknuri, dhe pasi e kapi duke qeshur, nuk i kurseu fjalët.

“Damian e ke vet parasysh, tani ti qesh. U harrove u harrove. Se kur i humbën mamasë 8 milionë euro desh vrave veten tim po rri mos të hap ato kapituj ty se s’kanë lidhje me zgjedhjet”, u shpreh Berisha.

Deputeti i PS, Ardit Bido, në fjalën e tij, iu kthye liderit të PD-së, Sali Berisha. Socialisti u shpreh se Berisha është fajtor për humbjen e PD-së në Diasporë, sidomos në Greqi, pasi sipas tij, Berisha zgjodhi të fliste nën flamurin dhe himnin grek.

“E kuptoj që kur përmend çamë ortodoks e ke problemë. Por sot ai që është thelbi i thelbëve ka të bëjë me kujt duhet t’i shërbejmë Shqipërisë, apo shtetësisë së dytë e të tretë që kemi. Në këtë rast ju keni patur humbjen më të tmerrshme të emigrantëve, sidomos atyre në Greqi, pasi vendosët të shkonit atje, të flisnit nën flamurin grek me himnin grek dhe me një person që shteti grek e ka akuzuar si të ishte pjesë e organizatës MAVI që ka vrarë 2 ushtarë shqiptarë. E meqenëse këto ditë ai ka dalë sërish, të shoh në sy dhe të sfidoj për ligj e për kanun, për atdhe e flamur, çohu dhe kërko ndjesë ndaj shqiptarëve veçanërisht të Çamërisë, të cilët nga përzgjedhjet tuaja personale u akuzuan si të ishin bashkëpunëtorë të nazizmit. Keni sjellë për 3 mandate rresht njerëz me patericë që s’kanë asnjë votë. Keni mbështetur njerëz që cenojnë integritetin territorial të këtij vendi”, tha Bido.

Gjatë mocionit me debat për zgjedhjet parlamentare të 11 Majit, kreu i grupit parlamentar të Partisë Socialiste, Taulant Balla, i këroi Partisë Demokratike të shpjegojë se vota e diasporës u hodh masivisht në favor të PS-së dhe jo PD-së, ndërkohë që kjo e fundit pretendon se vullneti i votuesve që jetojnë në Shqipëri u përthye me mekanizma të ndryshëm si përdorimi i administratës, falja e gjobave, apo blerja e votës.

“E vërteta është që në zgjedhjet e 11 majit 2025 nuk është faj ynë që nuk ju votuan shqiptarët, por e mira është që për herë të parë pas këtyre humbjeve ta shihni problemin te vetja. Në Shqipëri sipas jush paskan ndikuar shtetit pushteti, po në Diasporë ç’ju gjeti, si ka mundësi që 2 ndër 3 shqiptarë në diasporë i besuan PS. Nuk dëgjova asnjë fjalë për diasporën nga PD, dua t’ju them shumë faleminderit për votën që i dhatë Edi Ramës dhe PS. Ne e kemi lexuar me vëmendje votën tuaj dhe duam që në këtë mandat që sapo kemi filluar marrëdhënia e shtetit tonë me Diasporën të jetë më e ngushtë. Të gjitha shërbimet konsullore t’i afrohen diasporës online, dhe kemi marrë angazhimin të shtojnë prezencën tonë me konsullata atje ku na e kanë kërkuar. Janë zgjedhjet më të hetuara në Shqipëri, nga 11 maji e deri në fund të gushtit ku u certifikuar procesi zgjedhor, PD ka depozituar një numër të lartë ankesash”, tha Balla.

Në Kuvend po mbahet mocioni për debat i kërkuar nga Partia Demokratike për zgjedhjet parlamentare të 11 majit, rezultatin e të cilave selia blu e quan të manipuluar dhe të vjedhur.

Ish-ministri i Brendshëm dhe deputeti socialist Ervin Hoxha tha se Partia Demokratike i mëshon pretendimit se zgjedhjet u vodhën për të mos pranuar se në sytë e votuesit shqiptar nuk është ende të një alternativë qeverisëse për vendin.

“Nuk u trajtua askush si votues militant, po si qytetar i lirë i këtij vendi. Ndërsa opozita që nga dita e parë që u njoh merezultatin, vijon të përsërisë të njëjta kauza, pa sjellë asnjë provë, fakte e argumenta. Është më e lehtë të thuash se zgjedhjet ishin të vjedhura se sa të thuash që qytetarët nuk të votuan për mungesë alternative. Përgjigjet kanë nisur t’i marrin përmes grupimeve të brendshme, në këtë dimër të ftohtë. Të nderuar kolegë të mos bëni më propagandë me raportin e OSBE-ODIHR. Le ta përdorim si udhërrëfyes së përbashkët në nivelin teknik. Të ulemi në tryezë t’i referohemi sistemin që ka nevojë. ODIHR nuk ka deklaruar askund që zgjedhjet nuk kanë qenë të lira, nuk ka deligjitimuar kurrë rezultatin e këtyre zgjedhjeve”,- tha Ervin Hoxha.