Kryeministri i Indisë, Narendra Modi, i tha presidentit rus, Vladimir Putin, se “lufta nuk mund të zgjidhë problemet” dhe bëri thirrje për “paqe përmes dialogut” gjatë vizitës së tij në Moskë, pas më shumë se dy vjet të luftës së Kremlinit kundër Ukrainës.
Vizita e Modit në Rusi u zhvillua në kohën kur tensionet në Evropë janë rritur pas një sulmi masiv rus në Ukrainë, që goditi edhe një spital të fëmijëve në Kiev.
Gjatë takimit të tij të parë me Putinin në Rusi që kur Kremlini nisi pushtimin e Ukrainës, Modi tha se për konfliktin është diskutuar “në mënyrë të hapur dhe në detaje”.
“Kur vriten fëmijë të pafajshëm, zemra të dhemb dhe ajo dhimbje është e padurueshme”, i tha Modi Putnit.
Modi shkoi në Moskë të hënën, disa orë pas sulmit masiv në Ukrainë, ku u vranë të paktën 38 persona.
“E di se lufta nuk mund të zgjidhë problemet, zgjidhjet dhe bisedimet e paqes nuk mund të kenë sukses në mes të bombave, armëve dhe plumbave”, tha lideri indian.
“Ne duhet të gjejmë një rrugë drejt paqes përmes dialogut”, shtoi ai.
Gjatë takimit në Kremlin, Putin çmoi “miqësinë shumëvjeçare” mes Rusisë dhe Indisë dhe tha se shtetet kanë një “partneritet strategjik”.
Putin po ashtu i ndau Modit medaljen më të lartë që Rusia u jep civilëve.
Kryeministri indian Modi do ta vizitojë Rusinë, thotë KremliniRusia është një furnizuese kyçe e naftës dhe armëve në Indi, por izolimi i Moskës nga Perëndimi dhe rritja e lidhjeve me Pekinin kanë pasur ndikim në partneritetin e Rusisë me Indinë.
Fuqitë perëndimore në vitet e fundit kanë forcuar lidhjet me Indinë, për t’iu kundërvënë ndikimit të Kinës në rajonin e Azi-Paqësorit, dhe duke i bërë presion Nju Delhit që të distancohet nga Rusia.
Shtetet e Bashkuara të hënën i bën thirrje Modit që t’ia bëjë të qartë Putinit se “çdo zgjidhje për konfliktin në Ukrainë duhet të jetë në linjë me Kartën e Kombeve të Bashkuara dhe të respektojë integritetin territorial të Ukrainës”.
Vizita e fundit që Modi zhvilloi në Rusi ishte më 2019 dhe ai ishte nikoqir i Putinit në kryeqytetin indian dy vjet më parë, disa javë para se Rusia të niste pushtimin e Ukrainës.
India nuk ka dënuar në mënyrë eksplicite Rusinë për luftën ndaj Ukrainës dhe ka abstenuar gjatë votimeve për rezolutat e OKB-së që ishin kundër Kremlin./REL
Lajme të tjera
-
Zbulohen komplote të Rusisë për atentate në Evropë kundër mbështetësve të Ukrainës, thotë një zyrtar
13 Korrik, 07:59 -
Zbulohen komplote të Rusisë për atentate në Evropë kundër mbështetësve të Ukrainës sipas agjencive perëndimore të inteligjencës
12 Korrik, 21:28 -
VIDEO/ Gafat e Biden, quan presidentin e Ukrainës Putin, Kamala Harris e ngatërron me Trump! Por, s’tërhiqet nga gara për President: Duhet ta mbaroj këtë punë
12 Korrik, 08:40 -
Misioni sekret i Koresë së Veriut në Rusi që po shqetëson Perëndimin
11 Korrik, 10:07
-
Ish-kryeministri britanik: Tërbimi ndaj Putinit që bombardon një spital për fëmijë në Kiev, por dijeni se ka një mënyrë për ta gjykuar për krimet e tij
10 Korrik, 10:13
-
‘Putin më i gatshëm për armëpushim’, Orban justifikon vizitën në Rusi tek drejtuesit e BE
9 Korrik, 21:17 -
Sulm raketor në Kiev, 5 të vdekur dhe 11 të plagosur! Zelensky: Më shumë se 40 raketa ruse të lëshuara
8 Korrik, 11:36 -
Kina u bën thirrje fuqive botërore të ndihmojnë rifillimin e dialogut Rusi -Ukrainë
8 Korrik, 10:50 -
Kryeministri indian Narendra Modi drejt Moskës për të balancuar afrimin Rusi-Kinë
7 Korrik, 22:41 -
Moldavia, Rumania e Ukraina nënshkruajnë marrëveshje për luftimin e dezinformatave ruse
6 Korrik, 12:30 -
Pas vizitës në Kiev, Orban do të takohet me Putinin në Moskë
4 Korrik, 20:04 -
Erdogan dhe Putin takohen në Kazakistan, presidenti rus: Mes dy vendeve po zbatohen projekte strategjike
3 Korrik, 22:23
