POP 5

Lajmet më të lexuara të 5 minutave të fundit

Arkiva

Mogherini: Paqja në Siri nuk do t’i japë fund krizës së refugjatëve

ROMË, 25 shtator /ATSH-DPA/ – Bashkimi Evropian do të përballet me flukse të rënda emigrantësh edhe nëse komuniteti ndërkombëtar arrin mrekullinë e dhëniës fund të konfliktit në Siri, tha shefja e politikës së jashtme të bllokut, Federica Mogherini. Sirianët përbëjnë grupin më të madh kombëtar në mesin e refugjatëve dhe emigrantëve që vijnë në kufijtë […]
/ATSH-DPA/ - Bashkimi Evropian do të përballet me flukse të rënda emigrantësh edhe nëse komuniteti ndërkombëtar arrin mrekullinë e dhëniës fund të konfliktit në Siri, tha shefja e politikës së jashtme të bllokut, Federica Mogherini.
Sirianët përbëjnë grupin më të madh kombëtar në mesin e refugjatëve dhe emigrantëve që vijnë në kufijtë e BE-së.
Sipas Organizatës Ndërkombëtare për Migrim nga 485 500 persona, të cilët kanë hyrë në Greqi dhe Itali që nga 1 janari i këtij viti, më shumë se 182 000 ishin sirianë.
"Le të mos gënjejmë veten. Sot Siria është në një pozitë të dukshme, me katër milionë refugjatë jashtë vendit dhe tetë milionë të zhvendosur nga territoret siriane. Por, përtej Sirisë, ka një botë të luftërave, urisë dhe mjerimit", tha Mogherini për gazetën italiane "La Repubblica".
"Edhe nëse si me mrekulli ne do të zgjidhim nesër problemin e Sirisë, Libia do të mbetet një korridor i hapur dhe i pakontrolluar për Evropën, të paktën derisa ne të arrijnë të rindërtojmë një shtet atje. Dhe përtej Libisë është një Afrikë e tërë", shtoi ajo.
"BE-ja po përballet me fluksin më të madh të emigrantëve dhe refugjatëve që nga fundi i Luftës së Dytë Botërore dhe shtetet anëtare të saj po grinden për kuotat se kush duhet të mirëpresë dhe kujt duhen t'i jepen të sapoardhurit", thekson Mogherini.
Mogherini tha se blloku duhet të jetë i përgatitur për të reformuar rregullat e azilit me shumicë votash, ashtu siç ka vendosur në fillim të kësaj javë për rishpërndarjen e 120 000 azilkërkuesve duke anuluar kundërshtimin e Republikës Çeke, Hungarisë, Rumanisë dhe Sllovakisë.
"Ne duhet ta trajtojmë këtë çështje si një problem evropian. Pra, ne do të shkojmë në këtë drejtim. Ne shpresojmë që të jemi në gjendje që ta arrijmë me konsensus. Por, përdorimi i instrumenteve të lejuara nga traktati i BE-së nuk duhet të jetë tabu", theksoi Mogherini.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35