Mollë e pjekur me mjaltë

Përbërësit:

  • 2 mollë të mëdha
  • 30-40 gr gjalpë i ftohtë
  • 2–3 lugë gjelle mjaltë
  • 1 lugë çaji sheqer kaf
  • 1 majë luge kanellë
  • 1 majë luge kripë
  • 1–2 lugë gjelle ujë ose lëng molle

Përgatitja:

Laj mollët dhe hiqu bërthamën me kujdes, pa e çarë fundin (krijo një zgavër). Vendos në mes të çdo molle një copë gjalpë. Shto mjaltin, pak sheqer kaf, kanellën dhe një majë kripë. Vendosi mollët në një tavë të vogël rezistente ndaj furrës. Shto në fund të tavës ujin ose lëngun e mollës. Piqi në furrë të parangrohur në 180°C, për 30–40 minuta, derisa të zbuten dhe të karamelizohen. Nxirre nga furra dhe lëre 5 minuta të pushojë. Lëngu i krijuar në tavë hidhet sipër mollës para servirjes.