Numri i të vdekurve nga shpërthimi në një qendër tregtare në Kharkiv që u godit nga raketa ruse është rritur në 16 të vdekur.
Këtë e bëri të ditur kreu i administratës shtetërore rajonale të Kharkiv, Oleg Sinegubov, në aplikacionin Telegram.
“Fatkeqësisht, 16 persona kanë vdekur tashmë”, tha ai.
![]()
Sipas mediave të huaja, aktualisht ka mbi 40 të plagosur, ndër ta edhe një vajzë 12-vjeçare.
Në pamjet që qarkullojnë në rrjetet sociale, të marra nga kamerat e vëzhgimit të qendrës tregtare, shihen dy punëtorë duke punuar, kur qëndra tregtare goditet nga raketa ruse.
Sulmin në qendrën tregtare në Kharkiv, përfaqësuesi i Lartë i BE-së, Josep Borrell, në Këshillin e Punëve të Jashtme në Bruksel, e ka konsideruar si krim lufte.
Ai deklaroi se ky sulm tregon edhe njëherë krimet dhe mizoritë që po kryen Rusia në Ukrainë.
“Në luftën e vazhdueshme në Ukrainë numri i njerëzve të vrarë gjatë aksioneve ushtarake po rritet në të dy frontet, nëse mund ta quani bombardimin e një supermarketi kur ai është plot me njerëz aksion ushtarak.
Sulmi në qendër tregtare në Kharkiv të shtunën e kaluar është një tjetër shembull i krimeve të luftës dhe mizorive të kryera nga Rusia”, deklaroi Përfaqësuesi i Lartë i BE-së, Josep Borrell.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Ne qendren tregtare ishte ber magazinim i materialeve ushtarake . Fotot treguan qe ajo nuk sherbente per civilet por e kishin kthyer ne repart ushtarak
Përgjigju