POP 5

Lajmet më të lexuara të 5 minutave të fundit

Politikë

Monumenti i pavarësisë, Dule:
Nuk i duhej lënë zyrtarëve

Përzgjedhja me ngut e bocetit fitues të monumentit të 100 vjetorit të Pavarësisë pak para se kryeministri Berisha të nisej drejt SHBA-së ka ngjallur shije të hidhur tek artistët e studiuesit e artit. Skulptori i njohur Hektor Dule flet për gazetën Shqiptarja.com: "Monumenti i pavarësisë në Vlorë, nuk mund të kontestohet. Reagon dhe Aurel Plasari:  Kam rezerva për monumentet që vinë nga jashtë. ( ne foto Monumenti për 100 Vjetorin e Pavarësisë)
FOTO- Pese bocetet finaliste nga e cila u zgjodh ajo e Visar Obria & Kai Roman Kinklas
Monumenti i pavarësisë, Dule:<br />Nuk i duhej lënë zyrtarëve
TIRANE- Hektor Dule, një prej skulptorëve më të njohur në Shqipëri, me një varg veprash të njohura e të vlerësuara, thotë se ajo çka ndodhi me përzgjedhjen e projektit për monumentin e Pavarësisë i ka lënë shije të hidhur. "Nuk duhej lënë kjo punë në dorën e zyrtarëve. Duhej ideuar e menduar që nga fillesa prej profesionistëve", thotë artisti, duke theksuar se s'mund të shpallet nja konkurrim për një vepër monumentale, pa ditur vendin ku do ngrihet, pozicionin, apo edhe gjithë objektet që do të ketë përreth dhe rëndësinë e tyre. Sidoqoftë, zyrtarët vendosën. Kryeministri Berisha deklaroi dje para komitetit ndërministror, veprën fituese, edhe pse projekti u zgjodh pa u marrë parasysh asnjë kriter profesional dhe në një kohë prej pak muajsh, kur sipas Hektor Dules do të duhej të paktën një afat kohor prej 3 vjetësh që nga ideimi e deri tek realizimi i veprës. Për "Shqiptarja.com", skulptori Dule na rrëfen edhe rëndësinë e monumentit dhe Vlorës, por edhe një ide sesi duhej parë kjo vepër që është menduar për Tiranën, një ide që lidh konceptin e Lirisë me Pavarësinë.

Profesor, ju keni qenë në anën e një varg profesionistësh që e keni kritikuar mënyrën si u zgjodh projekti i monumentit të pavarësisë. Pse nuk jeni dakord me çfarë u bë në këtë rast?
-Duhej ndjekur një radhë pune profesionale, duke filluar që nga caktimi i vendit, madhësia e monumentit, karakteri dhe rëndësia e monumentit. Të gjitha këto në varësi të objekteve që ka përreth monumenti dhe rëndësisë së tyre. Do të kishte kjo karakter frontal apo karakter rrethor, pra që të shihej nga shumë pika. Një monument i tillë është një vëllim me hapësirë tredimensionale që duhet parë në çdo pikë. Por këto gjëra që them këtu, nga sa kam parë unë nuk janë respektuar. Pra, nuk është respektuar në mënyrë profesionale një radhë pune, e cila të gjykohet nga profesionistë, e të mos iu varet në qafë zyrtarëve kjo punë.
Në këto zgjedhje, fjalën e parë e kanë profesionistët. Nuk më interesojnë individët, janë apo jo zyrtarë, nuk dua të ngatërroj njeri, pasi secili ka mendimin e tij, unë flas në përgjithësi, duke e parë nga këndvështrimi i një njeriu që merret me art, i një skulptori.

Një vepër e tillë kushtuar pavarësisë ekziston në Vlorë. A përben ky fakt një problem?
-Për mua ky duhet të ishte monumenti i Lirisë, në 100-vjetorin e Pavarësisë. Pra, duhej të ishte vëllai, ose motra e monumentit të Pavarësisë në Vlorë. Monumenti i pavarësisë në Vlorë, nuk mund të kontestohet, është një monument që ka fituar të drejtën e qytetarisë atje ku është, me vlerat e tij ideo-artistike, që i ka rezistuar kohës e do të vijojë ti rezistojë. Tani, ky monument në Tiranë, është mirë që do të bëhet, e duhet realizuar më së miri një monument në 100-vjetorin e pavarësisë. Pra, mund të jetë monumenti i Lirisë, pasi Liria dhe pavarësia rrinë shumë mirë me njëra-tjetrën si ide, apo jo. Mund të kesh Pavarësi pa Liri, por s'mund të kesh Liri pa Pavarësi.

Megjithatë edhe në këtë konkurrim, vendimet i morën zyrtarët. Profesionistët sërish nuk u pyetën apo jo...?
-Duhet thënë se aty kishte një juri, e cila kishte profesionistë. Por kjo punë duhet nisur dhe duhet finalizuar nga profesionistët. Zyrtarët duhet të presin çfarë do t'ju japin pro esionistët. Dhe ata atë çfarë duan e japin përmes platformës. Por edhe kjo platformë bëhet nga njerëz të artit, skulptorë, piktorë, arkitekt, historianë, psikologë. Të gjithë këta duhet të kishin dhënë mendime për ndërtimin e një platforme për këtë projekt, mandej të shpallej konkurrimi.

Po si kohë, kur duhej të ishte ideuar ky projekt?
-Para tre vjetësh. Ka një kohë që duhet respektuar në këtë rast. Është si një fëmijë, që do kohën e tij për të ardhur në jetë, ndryshe del me deformime. Ne duam që ajo që bëhet, të bëhet si duhet, pasi menjëherë bëhet.

(sg/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29