Moody’s konfirmon vlerësimin, tërmeti asnjë ndikim në ekonominë shqiptare

Moody’s konfirmon vlerësimin, tërmeti asnjë ndikim në ekonominë shqiptare

Agjencia e vlerësimit të kreditit, Moody`s ka publikuar rishikimin periodik të Shqipërisë, duke mos ndryshuar asnjë presje me publikimin e fundit, atë të 2 gushtit të vitit të kaluar, paçka se përgjatë kësaj periudhe kohore kanë ndodhur shumë gjëra që kanë ndikim të drejtpërdrejtë në shëndetin financiar të ekonomisë sonë, me tërmetin e 26 nëntorit në krye të këtyre ngjarjeve.

Publikimi i fundit i Moody`s nuk shërben si një notë vlerësimi, por vjen në kuadrin e strategjisë së agjencisë për të rishikuar periodikisht (2 herë në vit) përshtatshmërinë e vlerësimit e secilit shtet në bazë edhe të ngjarjeve që kanë rrjedhur. Nota për Shqipërinë fiksohet në “b1”. Kështu, Moody`s vijon të mbajë në “ba3” notën për forcën ekonomike të vendit, gjë që reflekton ekonominë e vogël, me një nivel të ulët diversifikimi krahasuar me të ngjashmit e saj si dhe një numër të sfidash strukturore.

Forca e institucioneve dhe qeverisjes vlerësohet me notën “ba2”, çka nënvizon përpjekjet e qeverisë për t`u bërë pjesë e Bashkimit Europian nëpërmjet luftës ndaj korrupsionit dhe sundimit të ligjit. Forca fiskale vlerësohet me notën “b1”, nota më e ulët ndër të gjithë indikatorët e tjerë, duke marrë parasysh borxhin e lartë publik, por në rënie, si dhe detyrimet e prapambetura që rrjedhon kryesisht nga sektori energjetik si dhe nga rritja e besimit në formën e investimit të tipit “Partneritet Publik Privat”.

Notën më të mirë, në “ba”, e merr ajo e rrezikut, nxitur kryesisht nga sektori bankar. Pavarësisht se nuk shërben si një veprim në dhënien e një note, njoftimi i Moody`s vjen vetëm pak ditë pas publikimit të S&P, ku nota e borxhit sovran të vendit mbetej e pandryshuar. Notat e vlerësimit të këtyre dy agjencive janë përcaktuesi kryesor i normave të interesit për huatë e qeverisë shqiptare./scan

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • A.n.: 11/02/2020 00:18

    Normsl qe nuk oati ndikim ne ekonomine shqiptare sepse termeti nuk demtoi fushat e mbjella me kanabis.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Kemi gjetur Altin Lalën e ri', kush është lojtari që debutoi me Kombëtaren U-21 dhe u vlerësua nga trajneri

'Kemi gjetur Altin Lalën e ri', kush është lojtari që debutoi me Kombëtaren U-21 dhe u vlerësua nga trajneri