POP 5

Lajmet më të lexuara të 5 minutave të fundit

Kronikë

Mori 200 mijë lekë, pranga shefit
të antitrafiqeve në Fier, Altin Haderi

-Për shkak se i kishte marrë një shoferi 200 mijë lekë të reja për dokumentet e makinës, dje policia arrestroi shefin e antitrafiqeve të Fierit, Altin Hadërin.
FIER-Për shkak se i kishte marrë një shoferi 200 mijë lekë të reja për dokumentet e makinës, dje (18 nentor 2013) policia arrestroi shefin e antitrafiqeve të Fierit, Altin Hadërin.

Arrestimi i tij u krye në ekzekutim të Urdhrit të Task-Forcë, pranë Prokurorisë. Më 14 nëntor, Prokuroria e Fierit  filloi procedimin penal nr.699 për veprat penale “Korrupsioni Aktiv e Pasiv i Personave Që Ushtrojne Funksione Publike”, parashikuar nga nenet 244 dhe 259 të Kodit Penal. Nga materiali kallëzues rezulton se në date 13 nëntor 2013, shtetasi P.Arapi, banor i qytetit të Fierit, ka pretenduar se para 4 vitesh i shiti një mjet tip “Nissan” shtetasit M. Mullaj, me akt shitje noterial. Mjeti i tij, disa kohë më parë është ndaluar në postbllok, te Rreth-rrotullimi i Lushnjës, nga Altin Haderi.

Ky i fundit, duke konstatuar mungesë të dokumentacionit të mjetit dhe duke patur dyshime se mjeti ishte i vjedhur, i ka referuar materialet në Prokurori e më pas i’u la në ruajtje shtetasit M. Mullaj, por pa kthyer dokumentat shoqëruese të mjetit. Oficeri i policise gjyqesore Altin Haderi dyshohet se u ka kërkuar dhe marrë shtetasve P. Arapi dhe M. Mullaj, shumën e 200.000 lekëve, në këmbim të kthimit të dokumenteve. Sipas shpjegimeve nga kallëzuesit, kaluan rreth 4 vjet dhe dokumentet e mjetit ende nuk u janë kthyer.

Në këto kushte, kallëzuesit i kanë kërkuar Haderit kthimin e lekëve. Shtetasit M. dhe R. Mullai, at e bir, kanë dijeni dhe kanë qenë të pranishëm në momentin e dorëzimit të lekëve, fakt ky që megjithëse nuk është realizuar “shkëmbimi” deri në fund (pra, dorëzimi i dokumenteve të automjetit), i dyshuari refuzon të kthejë lekët, duke pretenduar që ato i janë dhënë prokurores së çeshtjes dhe ai ka qenë vetëm ndërmjetësi.

Lajmi u perditesua
Redaksia Online
(e.s/sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13