POP 5

Lajmet më të lexuara të 5 minutave të fundit

Kronikë

Mori 3 mijë euro ryshfet, pranga 
oficerit të Policisë Gjyqësore Filipi

Një oficer i policisë gyqësore është arrestuar në Shkodër nën akuzën e "shpërdorimit të detyrës" dhe "korrupsionit pasiv" . Ka qenë Shërbimi i Kontrollit të Brendshëm (SHKB) që ka bërë arrestimin e Genc Filipit, me detyrë oficer i policisë gjyqësore në drejtorinë rajonale të policisë së Shkodrës.
Një oficer i policisë gyqësore është arrestuar në Shkodër nën akuzën e "shpërdorimit të detyrës" dhe "korrupsionit pasiv" . Ka qenë Shërbimi i Kontrollit të Brendshëm (SHKB) që ka bërë arrestimin e Genc Filipit, me detyrë oficer i policisë gjyqësore në drejtorinë rajonale të policisë së Shkodrës.

Në momentin e arrestimit oficeri Filipi ndodhej në shtëpinë e tij të pushimit në plazhin e Velipojës. SHKB ka bërë arrestimin e oficerit Filipi rreth orës 18:30 minuta. Aktualisht ndodhet në dhomat e paraburgimit të komisariatit të Shkodrës. 

Burime të “Shqiptarja.com” zbulojnë se oficeri i policisë gjyqësore dyshoet se ka marrë 3 mijë euro ryshfet nga një qytetar për të mos ta proceduar për lidhje të paligjshme të energjisë elektrike.

Policia e Shkodrës ka pohuar lajmin, ndërkohë që ka deklaruar se përveç Filipit në pranga ka rënë edhe i Prekë Molla, 49 vjeç, edhe ky i akuzuar për veprën penale të “Korrupsioni aktiv i personave që ushtrojnë funksione publike”.


Ja komunikata e policisë Shkodër

Në zbatim të urdhërit të Prokurorit u bë ndalimi i shtetasëve:

• Genc Filipi, 42 vjeç, banues në Shkodër, me detyrë Oficer i Policisë Gjyqësore në Drejtorinë Vendore të Policisë Shkodër për veprën penale të “Korrupsioni pasiv i personave që ushtrojnë funksione publike”.

• Prekë Molla, 49 vjeç, banues në Velipojë, për veprën penale të “Korrupsioni aktiv i personave që ushtrojnë funksione publike” .

Materialet i kaluan për ndjekje Prokurorisë së Rrethit Gjyqësor Shkodër për veprën penale të “Korrupsioni pasiv i personave që ushtrojnë funksione publike” në ngarkim të shtetasit Genc Filipi parashikuar nga neni 259 i Kodit Penal dhe veprën penale të “Korrupsioni aktiv i personave që ushtrojnë funksione publike” në ngarkim të shtetasit Prekë Molla, parashikuar nga neni 244 i Kodit Penal.

 Redaksia Online
(u.s/shqiptarja.com)

/Shqiptarja.com
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Ish-presidenti Topi në Report Tv: Politika s’ka qenë e motivuar për të bërë gjyqin e 21 janarit, SPAK i vetmi institucion funksional

Ish-presidenti Topi në Report Tv: Politika s’ka qenë e motivuar për të bërë gjyqin e 21 janarit, SPAK i vetmi institucion funksional

7 Janar, 19:51