Mori 87% të votave të socialistëve në Kolonjë, Xhaçka për "Report Tv": Fitore spektakolare e PS! Mandati i tretë rezultat i punës dhe vizionit të Edi Ramës

Olta Xhaçka arriti një rezultat të jashtëzakonshëm në zonën e saj në Kolonjë, duke marrë 87% të votave të socialistëve. Në një lidhje telefonike për "Report Tv",  Xhaçka tha se kjo ishte një fitore spektakolare e PS në Kolonjë, ku shtoi se rezultati i arritur është më i larti ndonjëherë që socialistët kanë marrë në këtë zonë. Sipas Xhaçkës, mandati i tretë qeverisës për PS erdhi si rezultat edhe i punës dhe vizionit të kreut të kësaj partie, Edi Ramës.

"Ka qenë vërtetë një fitore spektakolare e PS në Kolonjë, por edhe në qarkun e Korçës. Veçanërisht në Kolonjë kemi marrë një rezultat që në përqindje votash që është më e larta që kemi marrë ndonjëherë në zgjedhje parlamentare dhe jam shumë krenare që përfaqësova PS në Kolonjë. Jam duke ndjekur situatën për qarkun e Korçës dhe për Shqipërinë dhe shikoj këtë trend kudo, patjetër që kandidatët kanë rolin e tyre, por pas kandidatëve është një makineri e jashtëzakonshme organizative që është PS, por edhe puna e jashtëzakonshme dhe vizioni i Edi Ramës, por edhe puna që kemi bërë gjatë këtyre 8 viteve. Unë prisja që Kolonja të na mbështeste, siç na ka mbështetur edh enë betejat e tjera elektorale. Jam shumë e prekur dhe e emocionuar për mikpritjen, është një fitore që na takon të gjithëve dhe që i takon mbi të gjithëve atyre që na mbështetën", tha Xhaçka.  

 


Lajmi kryesor:

Mbyllet numërimi për kandidatët në Kolonjë, Olta Xhaçka merr 87% të votave të socialistëve kolonjarë! Flet për "Report Tv": Fitore spektakolare e PS


  • Sondazhi i ditës:

    Pritet konferenca e parë ndërqeveritare, mendoni se Shqipëria bëhet anëtare e BE në një kohë të shkurtër?



×

Lajmi i fundit

John

Pas 5 vitesh mungesë Adele ngjitet përsëri në skenë! Tregon emocionet e rikthimit