Mori peng 25 emigrantë në Greqi, shqiptari nuk veproi i vetëm! Guri për Report Tv: Fatkeqësi për dikë që ka vuajtur dhunën të keqtrajtojë emigrantët

 

Shqiptari që jeton prej 33 vitesh në Aleksandropolis, Astrit Tota nuk ka vepruar i vetëm për pengmarrjen e 25 emigrantëve të paligjshëm, të cilët i gjeti në pyje të zonës ku jeton.

Teksa më herët, ai mohoi akuzat për racizëm ndaj emigranrtëve që kishin hyrë ilegalisht në territorin e shtetit grek detaje të reja janë zbuluar në lidhje me ngjarjen që bëri “zhurmë” ne mediat shqiptare dhe të shtetit fqinj.

Gazetari shqiptar Edmond Guri, në një interviste me gazetarin e Report Tv, Arbër Hitaj tha se ndaj Astrit Totës dhe ndaj dy bashkëpunëtorëve të tij janë ngritur akuzat për pengmarrje të emigrantëve.

Dyshohet se për të futur në rimorkio emigrantët, të cilët i akuzonte për zjarrvënie të qëllimshme në Aleksandropolis, shqiptari ka bashkëpunuar me një biznesmen grek dhe një tjetër.

Ndërsa të majtët në Greqi, i akuzojnë të arrestuarit si grupe naziste që bëjnë gjyqin e emigrantëve të huaj.

“Fatkeqësi për ne që një shqiptar që ka vuajtur në kurrizin e tij dhunën e policisë ndaj emigrantëve, të pozicionohet në anën e atyre që keqtrajtojnë emigrantët”, u shpreh Edmond Guri.

Lajmi kryesor:

Mori peng 25 emigrantë në Greqi, flet biznesmeni shqiptar: S’jam racist e as fashist, i pash duke tentuar zjarrvënie

M.T/KT/Shqiptarja.com

TAG:
• astrit tota
• emigrante te paligjshem
• greqi