Mos e quani më Kupa e Botës, Rusi 2018 ‘shndërrohet’ në Europian

Janë gjashtë të tilla sot dhe Kupa e Botës u bë e gjitha evropiane. Franca, Belgjika, Anglia, Suedia, Kroacia dhe Rusia tregojnë sundimin e kontinentit të vjetër. Në fazën e parë nuk mbeti asnjë afrikane, ndërsa dje dy amerikano latinet, Uruguaji dhe Brazili përshëndetën Botërorin e Rusisë.

Pra, për herë të katërt me radhë kupa e botës do të shkojë në Evropë: E fundit që është fituar nga një ekip amerikano latin është ajo e vitit 2002, ku Brazili triumfonte në Kore dhe Japoni. Franca dhe Anglia shpresojnë të bëjnë bis në Kupën e Botës, ndërsa skuadrat e tjera për herë të parë.

Kjo do të thotë se Europa po vendos supremacinë e saj ndaj Amerikës së Jugut. Me mbarimin e Kupës së Botës “Rusi 2018”, Evropa do të shkojë 12 trofe, ndërsa Amerika Latine mbetet në 9.

LEXO EDHE:
Këshilli Bashkiak miraton projektin e ri “Ecole 24”: Kurse falas në teknologji për të rinjtë

Brazili mbajti flamurin lart për herë të fundit, por duke nisur që nga viti 2006 e këtej, është eliminuar gjithnjë nga një skuadër europiane. Në 2006 nga Franca, në 2010-ën nga Holanda, në 2014 nga Gjermania dhe dje nga Belgjika.

Por mallkimi I vërtetë duket se është Meksika. Dje është përmbushur profecia: Kush eliminon Meksikën në 1/8 finale, nuk shkon dot as në finale e jo më të marrë Botërorin. Duke nisur nga viti 1994 e deri në 2018-ën, të gjithë skuadrat që kanë mposhtur Meksikën, e kanë pësuar më pas. Kjo i ndodhi dje Brazilit.

Pyetja e vetme që ngrihet tani është: Do të kemi një ekip që fiton për herë të parë Botërorin apo Franca apo Anglia do të triumfojnë për herë të dytë?

TAG:
• boterori 2018

Sondazhi i ditës:

'Rasti Qefalia', a fshihen gjobat pas akuzave të Këlliçit, Nokës, opozitës?

• Po

  70.4%

• Jo

  18.9%

• Ndoshta

  10.7%

Vota total: 888

Votat totale janë unike

• Sondazhi i ditës:

  'Rasti Qefalia', a fshihen gjobat pas akuzave të Këlliçit, Nokës, opozitës?

  Po Jo Ndoshta