GREQI- Moti i keq ka krijuar një situatë katastrofike në Greqi, ku autoritetet në ishullin Korfuz janë detyruar të shpallin gjendje emergjence për shkak të dëmeve që janë shkaktuar. Reshjet e shiut pushtuan mbrëmë Korfuzin, ku u desh ndërhyrja e zjarrfikësve për evakuimin e 69 qytetarëve pasi shtëpitë e tyre u përmbytën.
Reshjet e shiut kanë shkaktuar përmbytje në shumë zona, Poseidonos, Kifissos, Paraliaki, Atika etj. Dëme të mëdha janë shkaktuar si pasojë e reshjeve, ku infrastruktura e kulturat bujqësore janë shkatërruar plotësisht. Një autobus me pasagjerë mbeti i bllokuar dhe filloi të zhytej në ujë ditën e djeshme, ndërsa pamjet e njerëzve teksa ndihmonin njëri-tjetrin për të dalë nga ujë, janë shpërndarë kudo.
Autobusi u zhyt në ujë në Poseidonos në Paleo Faliro, nën urën në Qendrën Kulturore të Fondacionit Stavros Niarchos, ndërsa udhëtarët në bord formojnë një rresht, ku të kapur për dore, dalin në anë të rrugës, ndërsa uji u arrin deri në gju.
Autobusi i përmbytur
Situata është mjaft kritike edhe në Atika, ku janë përmbytur disa shtëpi, ndërsa shkollat janë mbyllur. Zjarrfikësit janë në terren duke ndihmuar në evakuimin e qytetarëve, ndërsa i kanë bërë atyre thirrje për kujdes.
"Ne kërkojmë qytetarëve që të jenë shumë të kujdesshëm dhe të ndjekin udhëzimet e autoriteteve", bën thirrje Departamenti i Zjarrfikësve.
Në Kifissos dhe Paraliaki është vendosur ndalimi i qarkullimit për të gjitha automjetet, ndërsa në disa zona si Elefsina, në qendër të Athinës, Kallithea, Koropi dhe zona e Renti pati edhe ndërprerje të energjisë elektrike.
Ishulli i Korfuzit ka shpallur gjendjen e emergjencës pas situatës kaotike që ka përshirë vendin nga përmbytjet. Shirat që goditën ishullin mbrëmjen e së enjtes përmbytën shtëpi e biznese, ndërsa infrastruktura e kulturat bujqësore janë shkatërruar plotësisht. 69 persona kanë përjetuar momente frike e paniku mbrëmë kur uji pushtoi shtëpitë e tyre, ndërsa u desh ndërhyrja e zjarrfikësve për ti evakuuar me anije ose helikopterë.
Lajme të tjera
-
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
Reshje bore në Rrugën e Kombit, lëvizni me kujdes! Trashësia 5 cm në Tunelin e Kalimashit! Mungesë energjie në fshatrat e Kukësit dhe Korçës
23 Nëntor, 11:28
-
Moti i keq në aksin Fushë Arrëz-Mirditë/ Vërshimi i ujërave nga mali bllokon qarkullimin në tunelin e Gojanit
22 Nëntor, 20:26 -
Moti i keq në Dibër/ Vërshimi i ujërave dhe rrëshqitje dherash në Bypass-in e ‘Rrugës së Arbrit’, qarkullim me vështirësi i mjeteve
22 Nëntor, 19:56 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
VIDEOLAJM/ Erërat dhe stuhitë prishin çatinë e Pallatit të Kulturës në Bulqizë
22 Nëntor, 16:24 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Rrebeshe e shtrëngata në gjithë vendin, Gjoni për Report Tv: Nga mesdita e së shtunës ikin reshjet, por ulen temperaturat
22 Nëntor, 12:57 -
Moti i keq përfshin Vlorën, mbetet i pezulluar lundrimi në det! Ndërprerje energjie në disa zona
22 Nëntor, 12:44 -
Moti i keq/ Disa fshatra pa energji elektrike në Kukës! Fierza në ‘krizë’ për ujë
22 Nëntor, 12:35 -
Moti i keq/ Rrëshqitje gurësh në aksin Skuraj-Burrel (VIDEO)
22 Nëntor, 12:30 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28
