POP 5

Lajmet më të lexuara të 5 minutave të fundit

Kronikë

Moti i keq, Rruga e Kombit e
bllokuar nga rrëshqitje dherash

Në një lidhje telefonike për tv A1 Report, (ora 09:00) Avdi Deda, shofer i një linje autobusi Kosovë- Shqipëri-Gjermani, tha se kishte rreth një orë që ishin bllokuar në Rrugën e Kombit.
TIRANE - Rruga e Kombit është kthyer në rrugë një kalimshme për shkak të rrëshqitjeve dhe shembjeve të dherave në fshatin Reps. Aksi i bllokuar është ai i drejtimit të lëvizjes nga Kukësi në drejtim Tiranë.

Qytetarë të cilët kanë udhëtuar sot në Rrugën e Kombit, Durrës-Kukës-Morinë, informojnë për shembje të dherave dhe bllokim të saj.

Situata e krijuar nga shembjet, ka shkaktuar trafik dhe orë të gjata pritje për pasagjerët. Për shkak të bllokimit, policia ka devijuar lëvizjen e mjeteve, vetëm në kahun që është i kalueshëm.

Kjo zgjidhje e policisë ka bërë që makinat e tonazheve të ndryshme, nga autoveturat e deri tek trajlet të rrinë në rradhë dhe të presin për të kaluar me qëllim që të mbërrijnë në destinacionet e tyre.
 
DËSHMIA E SHOFERIT TË AUTOBUSIT
Në një lidhje telefonike për tv A1 Report, (ora 09:00) Avdi Deva, shqiptar nga Kosova i cili është drejtues i një linje autobusi Kosovë- Shqipëri-Gjermani, tha se kishte rreth një orë që ishin bllokuar dhe nuk lëviznin.
 
"Ka rrëshqitje dheu afër Repsit. Rruga është bllokuar në dy drejtime. Është mbledhur dheu dhe po presim të ndërhyjnë. Vargu është i pafund” - tregon Avdi Deva i cili thotë se është i bllokuar për gati një orë.

Ai shton se kishte telefonuar 129 për të kërkuar ndihmë por askush nuk ishte përgjigjur. “Jemi përpjekur të marrim, 129 por nuk përgjigjet askush”- tha Avdi Deva në lidhjen telefonike për A1 Report. 

ZJARRE NË FIER
Por e kundërta ndodh në Fier ku pyjet e Darzesës janë në flakë që prej ditës së djeshme. Në vendin e ngjarjes kanë mbërritur forcat zjarrfikëse të Lushnjes, pasi është kërkuar ndihmë, por ende nuk është bërë e mundur që flakët të vihen nën kontroll.

Vatra zjarri ka edhe në fshatin Peshtan, po në Fier, ndërsa era është duke favorizuar përhapjen e flakëve edhe në zona të tjera.

Redaksia online
(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

15 Janar, 21:27 nga Xhensila Nako