Sociale

Moti, ‘vuajtjet’ nga 'Plakat e Prillit'
marrin fund javën tjetë

Nga data 24 Prill, kur dhe nis java tjetër pritet që temperaturat të pësojnë ngritje me 7 gradë Celsius krahasuar me temperaturat e ditës së sotme

Redaksia 19 Prill 2017, 10:32 | Përditesimi:

I ngrohti nuk do të vonojë.

Nga data 24 Prill, kur dhe nis java tjetër pritet që temperaturat të pësojnë ngritje me 7 gradë Celsius krahasuar me temperaturat e ditës së sotme.

Këtë e bën të ditur parashikimi i motit në Shqiptarja.com dhe Accuweather ku dhe për tre ditë në vijim do të ‘vuajmë’ nga temperaturat e ulëta dhe reshjet e shiut që do të bien me intensitet në pjesën më të madhe të vendit.

Në zona juglindore temperaturat do të shkojnë deri në -2 gradë Celsius për të vijuar më të buta në zonat veriore e veriperëndimore.

Megjithatë menjëherë sapo të dalë e diela, temperaturat do të ngrohen por pavarësisht kësaj reshjet e shiut do të kthehen në fund të muajit dhe do të vijojnë në ditët e para të muajit Maj. Reshjet do të pakësohen dhe temperaturat do të shënojnë ngritje duke hyrë në fazën e fundit të Pranverës.

Flet meterologu Metodi Marku
Por edhe meterologu Metodi Marku në një prononcim për Report Tv, tha se muaji Prill njihet dhe si muaji i surprizave. Marku tha se bora ka mbuluar zona malore mbi 1 mijë metra mbi nivelin e bregdetit. Por meterologu thekson se, presioni atmosferik i ulët do të largohet ditën e shtunë dhe temperaturat e ngrohta do të mbizotërojnë në ditët në vijim.