Mourinho debuton me fitore, Roma hipotekon grupet e Conference League, humbje shokuese e Tottenham

Nis me fitore aventura e trajnerit Jose Mourinho në pankinën e Romës. Në ndeshjen e parë zyrtare zhvilluar në fazën play-off të Uefa Conference League verdhekuqtë triumfuan 2-1 në Turqi ndaj Trabzonspor.

Kalimi në fazën e grupeve të Conference League tashmë duket një formalitet për Romën, që mbrëmë në Turqi avantazhin e gjeti në fillimin e pjesës së dytë me Pellegrinin. Turqit nuk vonuan shumë dhe barazuan me Cornelius që me kokë mposhti Rui Patricion.

Sfida u vendos dhjetë minuta nga fundi falë golit të realizuar nga Shomurodov. Pas një jave ndeshja e kthimit por skuadra italiane hipotekon kalimin në fazën e grupeve. I kënaqur është shfaqur pas takimit trajneri portugez që ka thënë se futbollistët luajtën si një skuadër e bashkuar ndërsa për merkaton thotë se mungon ende diçka.

Tottenham ishte skuadra tjetër e madhe që zbriti në fushë në play-off e Conference League por që u shokua në Portugali. Modestët e Pacos de Ferreira triumfuan 1-0 ndaj londinezëve që duhet të përmbysin në ndeshjen e kthimit. Hipotekojnë grupet e Conference League Basel, Feynord e Rennes./ Përgatiti Andi Kapxhiu

 

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë