POP 5

Lajmet më të lexuara të 5 minutave të fundit

Kronikë

MSH: 19 raste me grip
derri, merren masat

-Ministria e Shëndetësisë konfirmon se 19 raste janë identifikuar nga laboratori i virologjisë në Institutin e Shëndetit Publik me virusin AH1, ndërkohë që nga 337 mostra të dyshuara me grip sezonal, në 46 prej tyre është izoluar grip.
TIRANE-Ministria e Shëndetësisë konfirmon se 19 raste janë identifikuar nga laboratori i virologjisë në Institutin e Shëndetit Publik me virusin AH1, ndërkohë që nga 337 mostra të dyshuara me grip sezonal, në 46 prej tyre është izoluar grip. Për këtë arsye, sistemi shëndetësor vendoset në gjendje gatishmërie për të përballuar situatën gripale në vend. Sipas të dhënave të survejancës të sistemit ALERT rezulton se numri i përgjithshëm i infeksioneve të sipërme dhe të poshtme respiratore, ka patur një trend në rritje gjatë dy javëve të fundit të shkurtit, ndërkohë që numri i rasteve është shtuar  me 5% më shumë krahasuar  me të njëjtën periudhë të vitit të kaluar.

Duke filluar nga muaji Tetor 2013 e deri dje janë raportuar 124 raste me sindromë të rëndë respiratore, prej të cilëve, vetëm 8 rezultojnë pozitivë për virusin e gripit. Nisur nga kjo situatë paraditen e kësaj të mërkure në Ministrinë e Shëndetësisë është mbledhur komiteti AD /HOC për përgjigjen ndaj gripit. Komiteti konstatoi se Shqipëria nuk bën përjashtim nga situata e përgjithshme në Evropë, në Itali dhe në Greqi, ku bashkë qarkullojnë virusi sezonal i gripit dhe virusi pandemik i gripit.

Ndërkohë që në Greqi, raportohet një qarkullim i shtuar me intensitet të lartë gripi. Ministri i shëndetësisë Ilir Beqja ka kërkuar gatishmëri të plotë të shërbimeve të laboratorëve dhe reanimacionit, si dhe marrjen masave për shpërndarjen në sasi të mjaftueshme të barit antiviral Tamiflu nga Instituti i Shëndetit Publik në spitalet universitarë dhe rajonalë.

Gjithashtu, Beqaj vlerësoi riaktivizimin e mekanizmit të koordinimit të rasteve me sëmundje të rëndë respiratore akute (SRRA) në mënyrë që pacientët të marrin kujdesin intensiv të menjëhershëm, në kohën e duhur nën koordinimin e shërbimeve përkatëse universitare në QSUT në bashkëpunim me spitalin universitar “Shefqet Ndroqi”. Ndërkaq  komiteti ka udhëzuar informimin në vijimësi të publikut për masat parandaluese dhe mbrojtëse ndaj gripit sezonal, veçanërisht: të moshuarit, të sëmurët kronikë dhe fëmijët.

Shkrimi u publikua sot (27.02.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mbetur në harresë, braktiset Lapardhaja e Vlorës! Banorët: Prej ’90-ës s’kemi rrugë as ujë, veç premtime

Mbetur në harresë, braktiset Lapardhaja e Vlorës! Banorët: Prej ’90-ës s’kemi rrugë as ujë, veç premtime

12 Janar, 14:48 nga Armand Xhelili