Mundi boksierin çek në Shkodër, Nelson Hysa për Report TV: Më presin dy ndeshje të vështira, duam mbështetje nga institucionet

Boksieri shqiptar, Nelson Hysa mposhti dje në Shkodër kampionin çek Pavel Sour (i 57 në botë). Në Pallatin e Sportit "Qazim Dervishi", shqiptari fitoi me pikë për herë të gjashtë në boksin profesionist. Në një intervistë për emisionin "Studio Live" në Report TV me gazetarin Arbër Hitaj, Hysa kërkon më shumë mbështetje nga instancat përkatëse. Hysa foli edhe për sfidat e së ardhmes dhe "fidanishten" e boksit në Shkodër.

"Ndeshjet e ardhshme - Janë shumë sfida që do kemi. Shumë shpejt do bëjmë një aktivitet të boksit profesionist. Kemi dy sfida në shkurt dhe mars, në Angli dhe SHBA. Nga kërkesa dhe pëlqimi që kanë tifozët, me shumë boksierë si Alban Zeqiri dhe Alban Zeneli, po bëjmë mirë në boksin profesionist", tha fillimisht Hysa.

Më pas Hysa u ndal edhe te mbështetja që autoritetet duhet të japin për boksin.

"Kërkesa ndaj autoriteteve - Është rritur shumë cilësia e boksit. Autoritetet në çdo fushë duhet të ndihmojnë, në çdo moshë në boks ka talente që marrin medalje dhe na përfaqëojnë në arenën ndërkombëtare.

Shkodra fidanishte e boksit - Janë të apasionuar me çdo sport, edhe në boks. Dominojmë në boks në rang kombëtar por jo vetëm. Trajneri i Vllaznisë punon me seriozitet për të nxjerrë kampiona. Ajka e boskit shqiptar del në Shkodër, por edhe në qytete e tjera ka talente", vijoi Hysa.

Boksieri shkodran tregoi edhe sfidën e një boksieri në Shqipëri, në raport me nivelin e boksit profesionist në arenën ndërkombëtare.

"Sfida e një boksieri në arenën ndërkombëtare - Jemi larg, ka shumë gjëra që duhen përmirësuar. Nuk kemi ndihmë, që na ndikon edhe në stërvitje. Ka një disnivel të madh në organizim por jo në boks", tha Nelson Hysa.

S.DH/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Tre rrugë të tjerë me pagesë, qytetarët tarifë për të kaluar në Milot-Thumanë, Kashar-Lekaj dhe Lekaj-Fier! Ekonomia “pro” kredisë 100 mln euro për Vorë-Hani i Hotit

Tre rrugë të tjerë me pagesë, qytetarët tarifë për të kaluar në Milot-Thumanë, Kashar-Lekaj dhe Lekaj-Fier! Ekonomia “pro” kredisë 100 mln euro për Vorë-Hani i Hotit