Ulja e temperaturave dhe moti me vranësira ka ndikuar që të rritet ndjeshëm numri i votuesve në të gjitha qendrat e votimit të ngritura sot.

Për shkak të uljes së temperaturave qytetarët duket se kanë braktisur plazhet këtë të dielë e i janë drejtuar qendrave të votimit të ngritura në çdo njësi vendore.

Megjithëse janë orët e para të nisjes së procesit të votimit për zgjedhjet vendore nga të cilat do të zgjidhen edhe kryetarët e bashkive, numri i votuesve është dukshëm më i lartë sesa në zgjedhjet e shkuara.

Që në orën 07:00 kur edhe nisi zyrtarisht votimi kanë qenë të shumtë qytetarët të cilët u janë drejtuar kutive të votimit duke mbajtur radhë jashtë qendrave. 

Redaksia online
(f.m/shqiptarja.com)