Musaka me kërpudha dhe oriz nga zonja Albana

Musaka me kërpudha

Përbërësit:

• 250 gr oriz
• 400 gr kërpudha
• 1 qepë e madhe
• 50 gr vaj
• 2 vezë
• 1 gotë kos
• 1 tufë majdanoz
• Kripë, piper

Përgatitja:

Kaurdisim fillimisht qepën e grirë hollë derisa të zverdhet. Shtojmë kërpudhat e lara, të prera në rrathë, hedhim pak kripë dhe i lëmë të vlojnë në zjarr të ulët derisa të avullojë lëngu. Ndërkohë ziejmë orizin në ujë me kripë për 10 minuta. Më pas e kullojmë, e shpërlajmë me ujë të vakët dhe përsëri e kullojmë mirë. Në një tavë qelqi të lyer me yndyrë, shtrojmë gjysmën e orizit të zier, hedhim pak piper, mbi të vendosim  kërpudhat, majdanoz të grirë dhe përsëri një shtresë me oriz. Rrahim vezët me kosin dhe pak kripë dhe i shtojmë në tavë. E vendosim musakanë të piqet në furrë në temperaturën 200 gradë Celsius derisa sipërfaqja të marrë një ngjyrë të bukur.

MC/Shqiptarja.com

TAG:
• zonjaalbana
• musaka me kerpudha
• gatime shtepie
• shije