Receta

Musaka me patate dhe suxhuk nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 25 Janar, 12:53 | Përditesimi: 25 Janar, 12:56

Musaka me patate dhe sallam/suxhuk

Përbërësit:

1 kg patate
500 gr sallam / suxhuk
1 qepë mesatare
2-3 thelpinj hudhër
2 speca
1 karrotë
100 gr pure domate
Kripë, piper i zi, piper i kuq

Për kremin:

LEXO EDHE:
Melomakarona, biskota me arra dhe mjaltë të sherbetosura nga zonja Albana

400 ml qumësht
3 kokrra vezë
3 lgj vaj ulliri
Arrë moskat
Kripë, piper
Djathë pice

Përgatitja:

Patatet i presim në feta rrumbullake dhe i vendosim në furrë të piqen spërkatur me pak kripë e piper. Ndërkohë kaurdisim qepën e grirë imët, më pas shtojmë karrotën të grirë në rende, specat e prerë në kubikë, gjithashtu dhe sallamin ose suxhukun. Vijojmë me kaurdisjen për pak minuta, rregullojmë shijen me kripë, piper të zi dhe piper të kuq. Shtojmë në fund pak salcë domateje, vendosim kapakun dhe e lëmë kimën të gatuhet për pak minuta. Rrahim vezët me kripë, piper të zi, arrë moskat, vaj ulliri dhe qumësht. E trazojmë mirë derisa masa të lidhet plotësisht. Vendosim në një tavë një shtresë me patate, një shtresë me kimë, e spërkasim me pak djathë, vendosim një tjetër shtresë me patate, kimë dhe djathë të butë pice. Hedhim në fund kremin me vezë dhe qumësht dhe e vendosim musakanë në furrë për 35-40 minuta.

MC/Shqiptarja.com

TAG: