Receta

Musaka vere me perime plot shije nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 9 Maj 2024, 12:13 | Përditesimi: 9 Maj 2024, 12:17

Musaka me kungulleshka

Përbërësit:

1 kg kungulleshka
2 qepë
2 speca
300 gr mish i grirë
2 karota
2 domate
1 gotë ajkë
100 gr djathë kaçkavall
1 gjethe dafine
2 kokrra vezë
Vaj ulliri
Pak miell
Kripë, piper, kerri

Përgatitja:

LEXO EDHE:
Lakër turshi me kimë në furrë nga zonja Albana

Kungulleshkat pasi i kemi larë, u heqim cipën duke i gërryer me thikë, i presim në rrathë, i kriposim, i kalojmë në miell dhe i skuqim lehtë në yndyrë të nxehtë. Ndërkohë kaurdisim qepën e grirë imët, shtojmë specat, karotat në rende, mishin e grirë, kripën, piperin, kerrin dhe domatet e qëruara e të prera imët. I kaurdisim të gjithë përbërësit bashkë për pak minuta. Në një tavë të lyer me pak gjalpë radhisim kungulleshkat, hedhim gjysmën e kimës, e nivelojmë mirë, vendosim një shtresë tjetër me kungujt, përsëri kimë dhe kungulleshka. Rrahim vezët me ajkën dhe e shtojmë mbi musakanë duke e spërkatur në fund të gjithë sipërfaqen me pak gjalpë dhe djathë të grirë kaçkavall. E vendosim të piqet në furre të parangrohur në temperaturë mesatare për rreth 30 minuta.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com