POP 5

Lajmet më të lexuara të 5 minutave të fundit

Kultura

Muze, kala e parqe me vetëm një vizitor në ditë! Shifrat për institucionet e trashëgimisë kulturore, në tre muaj vetëm 40.886 vizitorë në të gjithë vendin

Shifrat e 3-mujorit të parë të këtij viti sa i përket vizitorëve në institucionet e trashëgimisë kulturore, mbeten të ulëta krahasuar me të njëjtën periudhë të 2019-ës. Muze, parqe e kala që presin 1 vizitor në ditë, vënë në dukje nevojën për rijetësim të platformave kreative dhe mirëmbajtjen e këtyre aseteve të trashëgimisë

Institucioneve të trashëgimisë kulturore, do t’u duhet të krijojnë platforma nxitëse e  kreative për t’u rimëkëmbur, sa i përket vizitueshmërisë...

Ndonëse, pas heqjes së kufizimeve, ministrja e Kulturës Elva Margariti, vë në dukje rritjen e numrit të vizitorëve në Muze në raport me dy vitet e fundit pandemikë, tremujori i këtij viti me 19 mijë e 52 vizitorë, ka 6864 vizitorë më pak, krahasuar me shifrat e 2019-ës të publikuara nga INSTAT.

Më kritike situata është në Muzeun e Pavarësisë në Vlorë me 162 vizitorë e 25 mijë lekë në arkë gjatë muajve janar-mars, ndërsa Muzeu Arkeologjik i Korçës, me dëmet në objekt, ngec në 102 vizitorë, pra mesatarisht 1 vizitor në ditë...

Më e thellë është diferenca e numrit të vizitorëve sa i përket Kalave e Monumenteve të tjera. Ndonëse në vitin 2019 për tremujorin e parë ka pasur 18 mijë e 518 vizitorë, për të njëjtën periudhë gjatë këtij viti janë 8326 vizitorë. Numri i vizitorëve në kalatë e Portopalermos, Kaninës, Himarës etj. , nuk e kalon mesataren e një vizitori në ditë.

Janë 6373 vizitorë më pak në parqe në tremujorin e parë të 2022-shit krahasuar me 2 vite më parë, por ajo që bie në sy është numri i ulët i vizitorëve në Parqe si ai i Orikumit, Antigones apo Amantias me vetëm 6 vizitorë për 3 muaj.

Të përkthyera në vlerë monetare, 40 886 vizitorë që shkuan në institucionet tona të trashëgimisë kulturore, i shtuan arkës, 10 837 320 lekë.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça