POP 5

Lajmet më të lexuara të 5 minutave të fundit

Kultura

Muzeu në Bajram Curri prej
18 vitesh vetëm një ngrehinë

Prej mëse katër  vjetësh ka përfunduar rikonstruksioni i muzeut të qytetit të Bajram Currit, i ndërtuar në fund të viteve ‘70 të shekullit të kaluar dhe i shkatërruar në vitin 1997. Në këtë muze kanë qenë të ekspozuar relike të historisë të Shqipërisë veriore, Tropojës, Malësisë së Gjakovës dhe Kosovës.
Muzeu në Bajram Curri prej<br />18 vitesh vetëm një ngrehinë
BAJRAM CURRI - Prej mëse katër  vjetësh ka përfunduar rikonstruksioni i muzeut të qytetit të Bajram Currit, i ndërtuar në fund të viteve ‘70 të shekullit të kaluar dhe i shkatërruar në vitin 1997. Në këtë muze kanë qenë të ekspozuar relike të historisë të Shqipërisë veriore, Tropojës, Malësisë së Gjakovës dhe Kosovës.

Me një investim nga buxheti i shtetit prej 20 milionë lekësh u bë i mundur rikonstruksioni i tij pas 14 vjetësh shkatërrimi. Mirëpo ka katër vjet që kanë përfunduar investimet, është marrë në dorëzim nga bashkia e Bajram Currit, por asnjë përçapje nuk është bërë për pajisjen e tij me materiale dhe dokumente. Punonjës pranë bashkisë shprehen se pasurimi i tij është i vështirë, sepse çdo gjë u vodh në vitin 1997.

As në vitin jubilar të 100-vjetorit të Pavarësisë e as në vitin jubilar të 70 vjetorit të çlirimit të Atdheut,nuk u bënë përçapjet e duhura për rikonstruksionin  e  brendshëm, si dhe mobilimi i stendave dhe pajisja me dokumente arkivore. Muzeu ka qenë ndër më të pasurit në vend, duke përfshirë objekte muzeale jo vetëm të Tropojës, po edhe të Kosovës dhe trojeve shqiptare.

Objekte të veçanta, tashmë të humbura, kanë qenë xhubleta 300-vjeçare e Nikaj Mërturit, pasaporta origjinale e Bajram Currit e vitit 1924, djepi i shpuar nga plumbat në Bytyç në Luftën e Dytë Botërore, historiku i Tropojës dhe Kosovës, (material shkencoro-historik mbi  300 faqe) etj.

Ende sot pas 18 vjetësh, ky muze ekziston vetëm si ngrehinë.
 
Redaksia Online
(a.h/shqiptarja.com)

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

DASH e shpalli ‘Non Grata’ Berishën, 65% e shqiptarëve e mendojnë të drejtë vendimin amerikan

DASH e shpalli ‘Non Grata’ Berishën, 65% e shqiptarëve e mendojnë të drejtë vendimin amerikan

29 Mars, 23:54