TIRANE - 30-vjecari Maradona Ibrahimi nga Gjirokastra rezulton i humbur prej datës 1 gusht të këtij viti. Ka folur për herë të fundit me nënën e tij duke i thënë se do të shkonte të pinte një kafe tek "Ura e Lumit" në Gjirokastër dhe se do të kthehej në banesë. Por kjo nuk ndodhi. Pak orë nga zhdukja, nëna e tij, Marie dëgjoi zërin e të birit përmes një telefonate. Dyshimet janë që djali të jetë në Sarandë. Një sinjal të tillë e dha edhe një telefonatë e mbërritur në emisionin "Pa Gjurmë" gjatë transmetimit LIVE në Report Tv, duke thënë se 30-vjeçari para 3-4 ditësh mund të jetë parë tek furgonat e Sarandës. Por një tjetër telefonatë, tha se Maradona Ibrahimi mund të jetë parë edhe në një fshat të Shkodrës. Redaksia e emisionit 'Pa Gjurmë' duke lidhur kontaktet me policitë në këto vende, do të kërkojë bashkëpunimin e tyre për të bërë verifikimin e këtyre informacioneve.
"Nuk di asnjë të re. Ju lutem shumë më ndihmoni të gjej djalin sidoqë ta ketë fatin. Të më vdesë në shtëpi të paktën. Megjithatë kam shumë shpresë. Zëri i tij më kumbon në vesh: O plakë ku je", tha nëna e të humburit në një rrëfim live nga Gjriokastra me gazetarin e Report Tv Piro Nase, për emisionin 'Pa Gjurmë'.
Marie Ibrahimi jeton vetëm me djalin e saj, pasi bashkëshorti ka ndërruar jetë, ndërsa fëmijët e tjerë jetojnë jashtë kufirit shqiptar. Ajo tregoi në emisionin "Pa Gjurmë" në Report Tv, se i biri kishte afro 4 vite që kurohej nga një sëmundje në mushkëri për shkak të problemeve të shumta që me drogën. Një muaj para se të humbte gjurmët, ai pati shfaqur sërish problem me shëndetin mendor si rezultat i përdorimit të lëndëve narkotike dhe kurohej në Tiranë.
Marie ka bërë denoncimin në polici, ndërsa ka afro një muaj që nuk dihet asgjë lidhur me fatin e 30-vjecarit.
Ditën që u largua kishte të veshur një bluzë të bardhë, një palë xhinse të shkurtra dhe një palë atlete jeshile. Ndërsa ka si shenja dalluese 1 tatuazh në krahun e tij të djathtë, flet me vështirësi dhe dhëmbët e sipërme i ka të hequra.
Më herët, Maradona Ibrahimi rastësisht ka qëlluar të ketë dhënë një intervistë për gazetarin e Report Tv, Pirro Nase, pak para se te humbte gjurmët, ndërsa fliste për problematikat e faturave të energjisë. Ndërsa sot ai rezulton i humbur.
Lajme të tjera
-
Ekskluzive/ 'O marr atë o vetëflijohem!’ Babai i 14 vjeçares që u martua me 35 vjeçarin flet për ‘Pa Gjurmë’: Ma rrëmbeu, e pranova nga e keqja
12 Janar, 16:52 -
Varrimi i 33 vjeçarit që u vra nga kunati se abuzoi seksualisht me vajzën e tij, mungon motra, gruaja e autorit! Nuk shkojnë as shokët e viktimës: Ndihemi të turpëruar
12 Janar, 16:14 -
29-vjeçari Angjelo Avdiu u gjet i varur në Greqi, i vëllai në ‘Pa Gjurmë’: E njoha vetëm nga çakmaku! Ja çfarë dyshon policia
27 Nëntor 2023, 16:15 -
Gjashtë muaj pas vdekjes së Brisilda Nexhipit, reagon nëna: Vajza nuk bëri aksident, dyshoj se trupi u fsheh në morg!
23 Nëntor 2023, 17:19 -
'Artemis mbahet peng!' Prindërit e 19 vjeçares së zhdukur prej 3 vitesh në Greqi kërkojnë ndihmë në 'Pa Gjurmë'! Letra anonime dhe dëshmitë e reja
1 Nëntor 2023, 18:57 -
Lidhet live nga burgu me ‘Pa Gjurmë’, 37-vjeçari Artur Çollaku kërkon të rilidhet me familjen: Prej 8 vitesh në izolim nuk kam takuar askënd
30 Tetor 2023, 17:10 -
Historia e pabesueshme! U rrëmbye 13 vjeç gjatë luftës në Kosovë, 'Pa Gjurmë' e bashkon me familjen pas 24 vitesh
27 Tetor 2023, 14:15 -
I dha fund jetës duke u hedhur nga furgoni në Peqin, historia e trishtë e Merushe Gjuzit! Përpjekjet për gjetjen e së bijës në ‘Pa Gjurmë’ dhe sherri me bashkëshortin
21 Tetor 2023, 13:31 -
ZDF-ja gjermane kërkon ndihmën e programit ‘Pa Gjurmë’, një vajzë e vrarë në pyll mund të jetë shqiptare. Ja identikiti i saj…
17 Tetor 2023, 18:01 -
Historia dhe fundi tragjik i ish-trajnerit të futbollit, Agim Çeta! E bija kërkoi ndihmë në “Pa Gjurmë”
4 Tetor 2023, 17:10 -
Tiranë/ E bija kërkoi ndihmë në 'Pa Gjurmë', i moshuari gjendet i pajetë në Dajt pas katër ditësh i humbur
3 Tetor 2023, 18:46 -
Del për kafen e mëngjesit, nuk kthehet më në banesë. E bija: Vuan nga skleroza, 3 ditë asnjë gjurmë
2 Tetor 2023, 18:20
