POP 5

Lajmet më të lexuara të 5 minutave të fundit

Sociale

Myslimanët nisin sot muajin e Ramazanit! Historia e çiftit me besim fetar të ndryshëm por që agjërojnë së bashku Natën e Kadrit

Besimtarët myslimanë e presin me padurim nisjen nesër, të muajit të madhërishëm të Ramazanit. Report Tv sjell dhe historinë e një çifti, që pavarësisht besimeve të ndryshme fetare, agjërojnë të dy. Përfaqësues nga komuniteti Mysliman Shqiptar thonë se çdo vit numri i personave agjërues, rritet.

Më 2 Prill nis muaji i madhërishëm i Ramazanit për besimtarët myslimanë të cilët agjërojnë. Jo vetëm besimtarët myslimanë agjërojnë në këtë muaj të shenjtë për fenë islame. Azmer Duleviç një besimtar i devotshëm tregon se edhe bashkëshortja e tij Albana, ndonëse e besimit ortodoks, agjëron në ditën më të rëndësishme të kalendarit mysliman

“Bashkëshortja është e fesë ortodokse, por për respekt ndaj besimit tim edhe bashkëshortja agjëron natën e Kadrit dhe në fe nuk ka me imponim”- tha Azmer Duleviç besimtar mysliman.

Azmeri na tregon se 30 ditët e agjërimit për çdo mysliman kalojnë shumë shpejt, duke lënë pas një ndjesi mirësie e pastërtie shpirtërore.

“Lidhjen vertikale që kemi me Zotin ne e forcojmë dhe mundohemi të jemi sa më korrekt , sa më besimtar, sa më praktikant ,pra ta forcojmë besimin tonë për të shtuar dhe vizitat mes besimtarëve mysliman me njëri-tjetrin me iftaret që shtrohen apo dhe mbledhjet e tubimet”, shtoi ai.

Lehtësimi i masave kufizuese, do t’i ndihmojë jo pak besimtarët gjatë muajit të madhërishëm të Ramazanit.

“Muaji i Ramazanit ka dy dimensione, atë shpirtëror ku ne përjetojmë me Zotin tonë, por dhe pjesa sociale ku neve ndajmë iftarin me njëri – tjetrin, bujarin me njëri- tjetrin. Kjo na ka munguar prej dy vitesh. Inshallah ky Ramazan vjen me begatinë që ne t’i përjetojmë të dyja këto ndjenja të bukura shpirtërore dhe sociale”, tha Dorian Demetja, drejtori i kulturës KMSH.

Drejtori i Kulturës në Komunitetin Mysliman, Dorian Demetja, thotë se ndër vite është rritur ndjeshëm numri i atyre që agjërojnë. për të gjithë ata që kanë paqartësi mbi ritualet e agjërimit, ai ka disa këshilla.

“Çdo gjë që futet brenda trupit e prish agjërimin, por dhe pjesa e ilaçeve e prish agjërimin. Larja e dhëmbëve nuk e prish agjërimin sepse nuk kalon brenda. Ka ndodh dhe që edhe në harresë dikush ka marr ka ngrënë diçka, ka harru për momentin që është i agjërueshëm, kjo nuk e prish agjërimin. Marrdh. Marrëdhëniet në çift e prishin agjërimin kur bëhen nga agimi deri në iftar”, tha Demetja.

Muaji i Ramazanit kulmon më 27 prill kur është Nata e Kadrit, një nga festat më të rëndësishme për Islamin, ndërsa muaji i Ramazanit përfundon në datën 1 Maj.

I.K/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Une: 01/04/2022 17:50

    Feja eshte opium i popullit, sa me hallexhi aq me shume besimtar.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Tiranë/ Me armë në brez lëvizte me makinë në rrugën “Pjetër Bogdani”, me video momenti i arrestimit (EMRI+VIDEO)

Tiranë/ Me armë në brez lëvizte me makinë në rrugën “Pjetër Bogdani”, me video momenti i arrestimit (EMRI+VIDEO)

26 Janar, 10:53