POP 5

Lajmet më të lexuara të 5 minutave të fundit

Kronikë

Nancy VanHorn takohet me prokurorët në Gjirokastër: Punojnë për të bërë drejtësi në kushte sfiduese

‘Prokurorët në të gjithë Shqipërinë vazhdojnë të punojnë për të bërë drejtësi në kushte sfiduese, duke shërbyer si mbështetje thelbësore për qytetarët e thjeshtë viktima të krimit’. Kështu është shprehur ditën e sotme gjatë vizitës së saj të parë në Gjirokastër, e Ngarkuara me Punë Nancy VanHorn.

Nancy VanHorn takohet me prokurorët në Gjirokastër: Punojnë për të bërë drejtësi në kushte sfiduese

‘Prokurorët në të gjithë Shqipërinë vazhdojnë të punojnë për të bërë drejtësi në kushte sfiduese, duke shërbyer si mbështetje thelbësore për qytetarët e thjeshtë viktima të krimit’.

Kështu është shprehur ditën e sotme gjatë vizitës së saj të parë në Gjirokastër, e Ngarkuara me Punë Nancy VanHorn e cila u takua me kreun e Prokurorisë së Gjirokastrës, Petrit Cano dhe kolegët e tij prokurorë. 

VanHorn shprehu mirënjohjen e saj për të gjithë anëtarët e Prokurorisë së Gjirokastrës për përpjekjet e tyre të përditshme.

‘Së bashku edhe me përfaqësues të Ambasadës së ShBA VanHorn u takua gjithashtu me disa organizata në Gjirokastër, përfshirë Komisionerin e Lartë të Kombeve të Bashkuara për Refugjatët (UNHCR), Caritas Albania dhe përfaqësuesin e Avokatit të Popullit, të cilët punojnë së bashku për të ofruar shërbime për imigrantët që kalojnë në Shqipërinë jugore, si dhe në mbështetje të autoriteteve në procesin e shqyrtimit paraprak’, njoftoi Ambasada Amerikane.

Ajo i falënderoi ata për punën e tyre të rëndësishme në ofrimin e këtyre shërbimeve thelbësore për këta individë të cenueshëm. Këto angazhime theksuan përkushtimin tonë të përbashkët ndaj drejtësisë dhe zbatimit të ligjit, mbështetjen për popullatat e cenueshme dhe rëndësinë e përpjekjeve bashkëpunuese për të rritur sigurinë për qytetarët e Shqipërisë.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58